रामु यादव , लवनी
कपिलवस्तु जिल्लाको मायादेवी गाउँ पालिका सभाहलमा हात्तिपाईले सम्बन्धि सचेतना कार्यक्रम संम्पन्न भएको छ । मायादेवी गाउँ पालिका को आयोजना तथा कालिका स्वावलम्बन सामाजिक केन्द्र र फेयर मेडको संयुक्त साझेदारीमा सञ्चालित आधारभूत परियोजना अन्तर्गत राष्ट्रिय हात्तीपाइले रोग विरुद्धको आम औषधी सेवन सम्बन्धि अभिमूखिकरण कार्यक्रम सम्पन्न भएको हो ।

हात्तीपाइले रोग मानिस लाई शारिरिक अशक्त तथा अपांग बनाउने एक सरुवा रोग रहेकोले यो रोग बाट बच्न तथा प्रारम्भिक अवस्थामा नै पूर्ण रुपमा निको हुनको लागि यो रोगको जोखिम न्यून गर्नको लागि अभियान चलाईएको हो । विभिन्न जिल्ला हरुमा राष्ट्रिय हात्तीपाइले रोग विरुद्धको आम औषधी सेवन सम्बन्धि अभिमूखिकरण कार्यक्रम सञ्चालन हुदै आएको र मायादेवी गाउँ पालिका ले पनी सम्पूर्ण समुदाय स्तरमा हात्ति पाईले न्युनिकरण गर्ने उद्देश्यले गाउँ पालिका स्तरीय सम्पूर्ण धर्म गुरु हरुलाई राष्ट्रिय हात्तीपाइले रोग विरुद्ध आम औषध सेवन गर्ने उद्देश्यले कार्यक्रम सम्पन्न भएको छ ।
कार्यक्रममा मायादेवी गाउँ पालिका स्वास्थ्य शाखा संयोजक श्री महेन्द्र प्रसाद यादव,मायादेवी गाउँ पालिका को सल्लाहकार श्री सर्फुद्दीन मुसलमान को प्रमुख अतिथ्यता,जिल्ला स्वास्थ्य कार्यालयको कपिलवस्तुको हे।अ।उमेश घिमिरे,कालिका स्वावलम्बन सामाजिक केन्द्रको सामुदायिक सशक्तीकरण सुपरभाइजर शिव रतन हरिजनको सञ्चालनमा मायादेवी गाउँ पालिकाको युवा क्लब मदरसा का धर्म गुरु , शिक्षक र समाजसेवी लगायतको उपस्थितिमा कार्यक्रम सम्पन्न भएको हो।