वैशाख १२ पाल्पा जिल्लाको माथा गढीको विकासको लागि सबैको सहयोग आवश्यक रहेको एक कार्यक्रमका वक्ताहरूले जोड दिएका छन्।
पाल्पा माथागढी रुपन्देही सम्पर्क समाज बुटवलले बुटवलमा आयोजना गरेको नयाँ वर्षको २०८० को भित्ते पात्रे विमोचन , तथा शुभकामना प्रदान कार्यालयमा बोल्दै माथागढी गाउँपालिका अध्यक्ष यम बहादुर चिदिले पर्यटन तथा कृषि सम्भावना भएको गाउँपालिका विकासको लागि सबैले आ आफ्नो ठाउँबाट सहयोग गर्नुपर्ने बताए ।
उनले माथागढीमा धेरै सम्भावना रहेका त्यसबाट रोजगारी तथा अन्य कारणले तराईका झरेकाहरूले पनि गाउँको विकासको लागि सहयोग गर्नुपर्ने बताए । आफ्नो संस्कृति ,भाषा विश्वका जुन ठाउँमा गए पनि निकै प्यारो हुने बताउँदै माथागढीको परिचाहन झल्कने काम गर्नुपर्ने बताए । सम्पर्क समाजका अध्यक्ष ध्रुव ध्रर्व प्रसाद कोइरालाको अध्यक्षताको भएको कार्यक्रमका संस्थापक अध्यक्ष विष्णु प्रसाद भट्टराई , कार्यक्रम संयोजक उदय राज भट्टराई ,सल्लाहकार हरि प्रसाद रेग्मी,नारायण प्रसाद काफ्ले लगायत बोल्दै रुपन्देहीमा बसेर पनि माथागढीको विकासको लागि आफूहरूले सक्दो सहयोग गर्ने प्रतिवद्धता जनाएका थिए । कार्यक्रमको सञ्चालन सचिव डी एस भट्टराईले गरेका थिए । १०७ आजीवन सदस्य रहेको संस्थाले रुपन्देहीका विभिन्न सामाजिक गतिविधि गर्दे आएको छ ।
प्रकाशित : २०८० बैशाख १२, मंगलवार ०८:५१
