हरि आचार्य, कपिलवस्तु
राष्ट्रिय युवा संघ नेपाल जिल्ला कमिटी कपिलवस्तुले संगठनको ३४ औं स्थापना दिवसको अवसरमा रचनात्मक र सृजनात्मक सामाजिक कार्य गरेको छ । संगठनको बैठकको निर्णय अनुसार ३४ औं स्थापन दिवस रचनात्मक र सृजनशील कार्य गरेको हो ।

स्थापना दिवसको अवसरमा यात्रुहरुलाई सहज यात्राका लागि महेन्द्र राजमार्ग अन्तर्गत कोठिखोलमा आपत्कालिन नम्बरहरु राखि सुचनामुलक होर्डिङबोर्ड राखी कार्यक्रमको सुरुवात गरिएको थियो भने अन्य सबै स्थानमा स्थापना गरिने जिल्ला कमिटीले जनाएको छ । त्यस्तै सार्वजनिक स्थल पिपरा अस्पताल, ईलाका प्रहरी कार्यालय पिपरामा चार्जिङ बोर्ड जडान कार्य गरि उदाहरणिय कार्य गरेको छ ।

राजमार्गमा एम्बुलेन्स, अस्पताल, ग्यारेज, होटल, पेट्रोल पम्प लगायतको अत्यावश्यक सम्पर्क नम्बर राखिएको र विभिन्न सार्वजनिक स्थलमा सेवाग्राहीलाई मध्यनजर गरि मोवाईल चार्जीङ्ग बोर्ड जडान गरिएको जिल्ला कमिटी अध्यक्ष कमल क्षेत्रीले जानकारी दिनुभयो ।

कार्यक्रमका प्रमुख अतिथि नेकपा (एमाले) जिल्ला कमिटी कपिलवस्तुका अध्यक्ष डम्मर शर्माले स्थापना दिवसको अवसरमा निकै उत्कृष्ट कार्य गरेको भन्दै धन्यवाद व्यक्त गर्नुभयो । उहाँले राष्ट्रिय युवा संघ नेपाल पार्टीको निकै बलियो खम्बा भएकाले पार्टीसंग समन्वय गरि युवाहरुलाई उत्पादनशिल कार्यमा जोड्ने विश्वास व्यक्त गर्नुभयो । त्यस्तै उहाँले वर्तमान अवस्थामा युवाहरुलाई उत्पादनको क्षेत्रमा जोडि रोजगारलाई प्राथमिकतामा राख्नुपर्नेमा जोड दिनुभयो ।

त्यस्तै पार्टी जिल्ला कमिटी सदस्य तथा राष्ट्रिय युवा संघ नेपालका केन्द्रिय सदस्य धनु अधिकारीले स्थापना दिवसको अवसरमा शुभकामना व्यक्त गर्दै आगामी दिनमा पनि जिल्ला कमिटीले उदाहरणिय कार्य गर्ने बताउनुभयो ।

अनेरास्ववियु स्थायी कमिटी सदस्य लेखनाथ खनालले रचनात्मक र सामाजिक कार्य गरि स्थापना दिवस मनाएकोमा शुभकामना व्यक्त गर्दै पार्टीका सबै जनवर्गीय संगठनले उदाहरणिय काम गर्नुपर्नेमा जोड दिनुभयो ।

त्यस्तै कार्यक्रमका अध्यक्ष तथा राष्ट्रिय युवा संघ नेपाल जिल्ला कमिटी कपिलवस्तुका अध्यक्ष कमल क्षेत्रीले स्थापना दिवसको अवसरमा आयोजित कार्यक्रम सफल पार्नका लागि सहयोग गर्नुहुने सम्पुर्णमा धन्यवाद व्यक्त गर्दै संगठनको ३४ औं स्थापना दिवसको अवसरमा शुभकामना व्यक्त गर्नुभयो । उहाँले पछिल्लो समय युवाहरुले अवसरको मात्र खाँचो गर्ने प्रवृति बढिरहेकोले पार्टीको काममा पनि ध्यान दिन आग्रह गर्नुभयो ।

पार्टी जिल्ला कमिटी सदस्य समेत रहनुभएका क्षेत्रीले पार्टीलाई मजबुत र बलियो बनाई समाजमा अनुकरणिय कार्य गर्नका लागि आफ्नो नेतृत्वमा रहेको जिल्ला कमिटी सदैव तयार रहेको दावि गर्नुभयो ।

राष्ट्रिय युवा संघ नेपाल जिल्ला कमिटी कपिलवस्तुका अध्यक्ष कमल क्षेत्रीको अध्यक्षता, पार्टीका जिल्ला कमिटी सदस्य तथा जिल्ला युवा ईन्चार्ज कृष्ण सापकोटा, पार्टी जिल्ला कमिटी सदस्य तथा राष्ट्रिय युवा संघ नेपालका केन्द्रिय सदस्यहरु विजय कुंवर, राम नयन यादव (श्याम), राष्ट्रिय युवा संघ नेपाल प्रदेश कमिटी सदस्य बिनोद भट्राई, अस्मिता चुंदाली क्षेत्री, जिल्ला कमिटी सचिवालय सदस्य एवम् क्षेत्र नंं. १ (१) संयोजक दिपक जि.सी., अनेमसंघ कपिलवस्तुका जिल्ला सचिवालय सदस्य भगवता अधिकारी, अनेरास्ववियु सिद्धार्थ क्याम्पस कमिटी अध्यक्ष तथा स्ववियु सचिव पशुपति गिरी लगायत राष्ट्रिय युवा संघ नेपाल, अनेरास्ववियुका पदाधिकारी तथा सदस्यहरुको उपस्थिती रहेको कार्यक्रम अनेरास्ववियु जिल्ला अध्यक्ष अन्जित खनालको स्वागत मन्तब्यमा सम्पन्न भएको हो ।