रामु यादव, लवनी
अन्तर्राष्ट्रिय युवा दिवस-२०८१ को अवसरमा पि.आर.सि ग्रुप अफ मल्टिपर्पोज कम्पनी प्रा.लि. को उद्घाटन कपिलवस्तु काे शुद्धाेधन गाउँपालिका स्थित लबनी स्वास्थ्य चौकीमा सम्पन्न भएको छ। कार्यक्रममा पि.आर.सि ग्रुपका संस्थापक पृथ्वी राज चौधरीको अध्यक्षतामा तथा लुम्बिनी प्रदेश सभा सदस्य माननीय मधुसूदन शरण चौधरीको प्रमुख अतिथ्यतामा यो उद्घाटन सम्पन्न भएको हो।
पि.आर.सि ग्रुपको प्रमुख उद्देश्य मिडिया-अनलाइन र टेलिभिजन सञ्चालन, शिक्षा र कोचिङ कक्षा सञ्चालन, शारीरिक व्यायाम र कला तथा संस्कृति प्रवर्द्धन सम्बन्धि तालिम सञ्चालन गर्नु रहेको पि.आर.सि ग्रुपका संचालक पृथ्वी राज चौधरीले बताए।
उद्घाटन कार्यक्रममा प्रमुख अतिथि माननीय चौधरीले पि.आर.सि ग्रुपलाई सकारात्मक सामाजिक परिवर्तनको लागि तन, मन र धनले सहयोग गर्ने प्रतिबद्धता जनाए।
विशिष्ट अतिथिहरूमा शुद्धोधन गाउँपालिका अध्यक्ष कमलेश शरण चौधरी,अतिथि हरू सन लाइट इङलिस बोर्डिङका संस्थापक एस.एन. त्रिपाठी, एभरेस्ट इङलिस बोर्डिङका संस्थापक दिप चौधरी, लबनी प्रहरी चौकी इन्चार्ज बाल कृष्ण थापा, संवाद फाउन्डेसन कपिलवस्तुका संयोजक कृष्ण अग्रहरी, थिन्किङ रिच नेपालका संस्थापक दिनेश गुप्ता, युवा समाजसेवी बिजय जयसवाल, सुग्रीम यादव, मनिस चौधरी लगायतका स्थानीय पत्रकार र पि.आर.सि ग्रुपका शुभ चिन्तकहरू सहभागी थिए।
कार्यक्रमले आगामी दिनमा पि.आर.सि ग्रुपले उत्कृष्ट कार्य गर्दै समाजमा महत्वपूर्ण योगदान गर्ने विश्वास व्यक्त गरिएको छ।
