हरि आचार्य, कपिलवस्तु
बाणगंगा नगरपालिका स्तरिय वक्तृत्वकला प्रतियोगितामा ज्ञानपुञ्ज बोर्डिङ्ग स्कुल राजपुर प्रथम भएको छ । राष्ट्रिय बाल दिवसको अवसरमा बाणगंगा नगरपालिका, शिक्षा, युवा तथा खेलकुद शाखाद्वारा आयोजित नगर स्तरिय आधारभूत तहको बालबालिका बीच भएको प्रतिस्पर्धामा ज्ञानपुञ्ज बोर्डिङ स्कुल प्रथम भएको हो ।

२७ जनाको प्रतिस्पर्धा रहेको उक्त प्रतियोगितामा ज्ञानपुञ्जको कक्षा ८ मा अध्यनरत विद्यार्थी संकल्प भुसालले प्रथम स्थान प्राप्त गर्न सफल भएको स्कुलका प्रिन्स्पिल सुरेन्द्र पाण्डेले जानकारी दिनुभयो । उहाँले प्रथम भुसाललाई हार्दिक बधाई ज्ञापन गर्दै शुभकामना ब्यक्त गर्नुभयो ।