लुदस, जीतपुर
कपिलवस्तुको बाणगंगा ५ मा वडास्तरिय ३ खेल आजबाट शुरुवात गरिएको छ ।
जसअन्र्तरगत आज एक कार्यक्रमका विच प्रथम वडास्तरिय नकआउट भलिवल प्रतियोगिता द्धितिय वडा स्तरिय नकआउट फुटवल प्रतियोगिता र छैठौ वडा स्तरिय लिग क्रिकेट प्रतियोगिताको उद्घाटन गरिएको हो ।
कार्यक्रममा बोल्दै प्रमुख अतिथि बाणगंगा नगरपालिकाकी उपमेयर रिता थारुले खेल र खेलाडीको विकासका लागि नगर अझ बढी जिम्मेवार भएर लागेको भन्दै आगामी दिनमा महिला भलिवल प्रोत्साहनका लागि उपमेयर कप भलिवल प्रतियोगिता समेत हुने जानकारी दिनुभएको थियो ।
विशिष्ट अतिथि एन्फा एकेडमीका प्रदेश उपाध्यक्ष शक्ति सिंह ठकुरीले युवा जगत लागु औधषको जालोबाट ग्रसित भैरहेको प्रति चिन्ता व्यक्त गर्दै खेलले अनुशासन र जिम्मेवारीलाई मजबुद बनाउने बताउनुभयो । साथै उहाँले उत्कृष्ट खेलाडीलाई प्रोत्सहनमा टेवा पुर्याउने बताउनुभयो । विशिष्ट अतिथि ने.क.पा एमालेका नगर अध्यक्ष सोमनाथ अर्यालले खेलाडीको विकाससंगै खेल मैदान व्यवस्थापनमा जोड दिनुपर्ने बताउनुभएको थियो । उहाँले ५ वर्ष अगाडी नगरमा २५ बर्षे विकासका गुरुयोजना बनाएको बाणगंगा नदी संरक्षण सहितका वैज्ञानिक र सवै विकास समेटेर बनाएका योजनाहरु अगाडी ल्याउनुपर्ने बताउनुभएको थियो । उहाँको त्यो प्रसङ्खले सवैको ध्यान तानेको थियो । त्यस्तै विशिष्ट अतिथि नेपाली कांग्रेसका नगर सभापती विष्णु थापाले खेल र खेलाडीहरुले राष्ट्र चिनाउने र ग्रामिण भेगमा पनी उत्कृष्ट प्रतिभा हुने हुदाँ खेल क्षेत्रमा लगानी बढाउनुपर्ने बताउनुभयो ।
सामाजिक व्यक्तित्व ऋखिराम भट्राईले खेल अनुशासन र युवा सहभागिता मार्फत विकास र पहिचानमा जोडन सकिने र अन्तराष्ट्रसंग पनी मैत्रीपुणर् सम्बन्ध विस्तारलाई महत्वपुणर् टेवा पुग्ने बताउनुभयो । त्यस्तै झण्डा माध्यमिक विद्यालयका अध्यक्ष शशि सापकोटाले वडा स्तरिय खेलमा विद्यालय स्तरका प्रतियोगिता समेटन सकेमा अझ वजनदार हुने बताउनुभएको थियो ।
कार्यक्रम अन्र्तगत पहिलो खेल मधौली टोल विकास संस्था र झण्डा टोल विकास संस्था विच भएको हो ।
