शोभा गुरुङ्ग
लागूऔषध दुर्व्यसनको नियन्त्रण र सचेतनाका लागि वाणगंगा नगरपालिका वडा नं. १ स्थित सिद्धार्थ क्याम्पस बुङ्चीमा आज बिहान एक सचेतनामूलक सडक नाटक कार्यक्रम सम्पन्न गरिएको छ।
वाणगंगा नगरपालिका कार्यालयको सहयोगमा, नगर युवा परिषद र नगर युवा सञ्जाल वाणगंगाको आयोजनामा तथा इलाका प्रहरी कार्यालय पिपरा, कपिलवस्तुको सहकार्य एवं समन्वयमा सम्पन्न भएको हो । उक्त कार्यक्रममा विभिन्न क्षेत्रका व्यक्तित्वहरूको उल्लेखनीय सहभागिता रहेको थियो ।
कार्यक्रममा वाणगंगा नगरपालिकाकी नगर उप–प्रमुख रिता कुमारी चौधरी, सिद्धार्थ क्याम्पस बुङ्चीका प्रचार्य वेदराम अर्याल, शिक्षा, युवा तथा खेलकुद शाखा प्रमुख खिम बहादुर जि.सी., सिद्धार्थ सामाजिक विकास केन्द्रका आर टि खाँन, क्याम्पसका शिक्षक, कर्मचारी, सञ्चारकर्मी, समाजसेवी र विद्यार्थीसहित करिब २०० जना सहभागी रहेको थियो ।
सडक नाटक कार्यक्रममा कलाकारहरु सूर्य चुदाँली, समाजसेवी गिता भुसाल, कलाकार तथा संचारकर्मी पूर्णचन्द्र परियार, कलाकारहरु अर्चना आचार्य, आकृति विश्वकर्मा, रवि चौधरी , कमल थारु लगाएतका कलाकारहरु रहेका थिए । स्थानीय युवा–युवती तथा सुरक्षाकर्मीहरूको समेत सक्रिय भूमिका रहेको थियो । कार्यक्रममा बोल्दै सिद्धार्थ क्याम्पस प्रमुख बेदराम अर्यालले पछिल्लो समय यस क्षेत्रमा लागु औषध दव्यसनी बढ्न थालेको पाईउको हुदाँ न्यूनिकरणमा नाटक प्रभावकारी भएको यसलाई आगामी दिनमा समुदाय अभिभावक लगाएतका क्षेत्रमा समेत नाटक प्रस्तुत गरेर जनचेतना दिलाउनुपर्ने बताउनुभएको थियो ।
त्यस्तै प्रमुख अतिथि नगर उपप्रमुख रिता कुमारी चौधरीले सडक नाटकले समाजमा घटेका यथार्ततालाई सचित्र प्रकट गर्न सफल भएको हुदाँ यस्ता सचेतनामुलक कार्यृक्रमहरुलाई निरन्तरता दिईने बताउनुभयो । साथै आगामी दिनमा पालिकाभर विषेश अभियान समेत ल्याउने बताउनुभयो ।
उक्त कार्यक्रममा लागूऔषध दुर्व्यसनविरुद्ध जनचेतना फैलाउने उद्देश्यले सशक्त प्रस्तुति गरिएको थियो । सहभागीहरूले कार्यक्रमलाई निकै प्रभावशाली र आवश्यक भन्दै प्रशंसा गरेका थिए ।युवा परिषदमा उपाध्यक्ष मधु सुदन भुषालको अध्यक्षतामा कार्यक्रम संम्पन्न भएको थियो ।
