हरि आचार्य, कपिलवस्तु
नेकपा (एमाले) का केन्द्रिय सदस्य तथा कपिलवस्तु ईन्चार्ज गिरधारीलाल न्यौपानेले अहिले केही तत्वहरुले एमालेलाई कमजोर बनाउने र अध्यक्ष केपी शर्मा ओली बिनाको एमाले बनाउने सपना देखेर भ्रम छर्दै हिडिरहेकाले हामीले ती भ्रम र सपना देख्नेलाइ चेतावनीका साथ परास्त गर्न आवश्यक रहेको बताउनुभएको छ । नेकपा (एमाले) यशोधरा गाउपालिका कमिटिको दोस्रो पुर्ण बैठकलाई सम्बोधन गर्दै नेता न्यौपानेले यस्तो बताउनुभएको हो ।
बैठकका प्रमुख अतिथि समेत रहनुभएका ईन्चार्ज न्यौपानेले भर्खरै भारत र चिन बिच लिपुलेक नाका हुँदै व्यापार गर्ने सहमति कुनै हालतमा मान्य नहुने बताउँदै लिम्पियाधुरा, कालापानी र लिपुलेक नेपाली भुमिमा नै पर्ने भएकाले नेपालको सहमति बिनाको सहमति कुनै हालतमा स्विकार्य नहुने बताउनुभयो ।
उहाँले सन् १८१६ को सुगौलि सन्धि अनुसारको सिमाना बाहेकको सहमति आफुहरुलाई मान्य नहुने भन्दै यस्ता महत्त्वपूर्ण बिषयहरुमा नेपाल सरकारले कुटनैतिक पहल गरि समाधान गर्न पनि ध्यानाकर्षण गराउनुभयो ।
बैठकमा गाउपालिका कमिटी अध्यक्ष हरम शरीफ मुसलमानको अध्यक्षता नेकपा एमाले केन्द्रीय कमिटी सदस्य कपिलवस्तु इन्चार्ज गिरधारिलाल न्यौपानेको प्रमुख आतिथ्यता, पुर्व मन्त्री धर्मलाल श्रीवास्तव, जिल्ला कमिटी उप सचिव सुसिला दर्लामीको आतिथ्यता रहेको थियो भने बैठकको सञ्चालन कमिटिका सचिव राजेन्द्र मौर्य ले गर्नुभएको थियो ।
बैठकले पार्टि संगठनलाइ व्यवस्थित बनाउने र वडा कमिटीहरुका बैठक राख्ने, टोल अधिवेशन सम्पन्न गर्ने, पार्टिको प्रशिक्षण सञ्चालन गर्ने लगायत निर्णयहरु गरेको छ । बैठकमा केन्द्रीय कमिटीे, प्रदेश कमिटीे र जिल्ला कमिटीको सर्कुलरहरु वाचन गरि अनुमोदन गर्ने र लागू गर्ने पनि निर्णय गर्दै मातहतका कमिटी हरुलाइ निर्णय लागू गर्न निर्देशन दिने निर्णय समेत भएका छन् ।
