लुदस,कपिलवस्तु
अहिले विश्व महामारीका रुपमा रहेको कोरोना भाइरस (कोभिड १९) को दोस्रो भेरियन्टको संक्रमण बढ्दै गएकाले नेपाल सरकारले जारी गरेको लक डाउन (निशेधाज्ञा)का कारण आम नागरिकहरु समस्यामा परेका छन् । यसै सन्दर्भमा आज बिष्णुमती किनारका रहेका करिव तिन सय जना भोकले ग्रसित नागरिकहरुलाई निःशुल्क खाना खुवाइएको छ ।
सामाजिक सेवा भावले ओतप्रोत हामी नेपाली ग्लोवल नामक अन्तराष्ट्रिय संस्था र कलाकर्मीहरुको छाता संगठन राष्ट्रिय संगीतकर्मी संघले आज २२ औं दिन पनी सहयोग तथा राहत बितरणको कामलाई निरन्तरता दिएको छ ।
अहिले विश्व महामारीका रुपमा रहेको कोरोना भाइरस ं(कोभिड १९) को दोस्रो भेरियन्टको संक्रमण बढ्दै गएकाले नेपाल सरकारले जारी गरेको लक डाउन (निशेधाज्ञा)का कारण आम नागरिकहरु समस्यामा परेका छन् ।
अमेरिकामा स्थापना भएको हामी नेपाली ग्लोवल संस्था कुनै राजनैतिक दल, धर्म र सम्प्रदाय भन्दा बाहिर रहेको बिशुद्ध सामाजिक परोपकारी संस्था रहेको हामी नेपाली ग्लोवलका अध्यक्ष तथा चलचित्र निर्माता अमृत लामाले बताए । अमेरिकामा स्थापना भई करिव ४० वटा देशमा शाखा रहेको यो संस्थाले नेपालमा शिक्षा, स्वास्थ्य, रोजगारी लगायतका क्षेत्रमा काम गर्ने योजनामा रहेको अध्यक्ष लामाले बताए । बिदेशीमा रहेका नेपाली दाजु भाई दिदी बहिनीहरुले गाँस कटाएर पठाएको पैसाको सही सदुपयोग गर्नुपर्ने उनको भनाइ रहेको छ । यो बर्ष आफु संयोगले नेपालमा भएकाले कोरोनाको कहरको बेला आफै सक्रिय भै काम गर्न पाएकोमा आफुलाई अत्यन्त खुसरी लागेको बताए ।
कोभिड १९ को महामारीका कारण दुःख पाएका, अलपत्रमा परेका, असहाय, र रोजगार गुमाएका मानिसहरुलाई खाना खुवाउनुका साथै खाद्यान्न सामाग्री ,स्वास्थ्य सामाग्री लगायतका सहयोग गरेको राष्ट्रिय संगीतकर्मी संघका महासचिव तथा चलचित्र निर्माता बिक्रम जंग शाहले बताए । कलाकारहरु नाच गान रमाईलो मात्र गर्देनन परि आएको बेला सामाजिक तथा मानविय सहयोगमा पनी सक्रिय हुने महासचिव शाह बताउँछन् ।
