काठमाडौं,असार १४

यातायात व्यवसायी र मजदुरका संघ संगठनहरुले असार १८ गतेबाट सबै प्रकारका सवारी साधान संचालनबताएका छन । सोमबार एक विज्ञप्ति प्रकाशित गर्दै असार १५ गतेबाट सार्वजनिक सवारी संचालन गर्न सरकारले गरेको निर्णय अमान्य भएको जिकिर गर्दै १८ गतेबाट सबै सवारी संचालन गर्ने कुरा बताएका हुन ।काठमाडौं उपत्यकाका प्रमुख जिल्ला अधिकारीहरुको बैठकले भोलिदेखि २५ सिट भन्दा बढी क्षमताका मात्र बस जोर विजोर प्रणालीअनुसार चलाउन दिने निर्णय गरेको थियो । तर, व्यवसायी र मजदुर संघसंगठनहरुले भने सबैप्रकारका सवारी साधान चलाउन पाउनु पर्ने माग गरेका छन् ।

उनीहरुले यातायात व्यवसायी र मजदुरलाई कोरोना खोपको व्यवस्था मिलाउन पर्ने कुरा पनिमाग गरेका छन् ।विज्ञप्ति निकाल्नेमा नेपाल यातायात व्यावसायी राष्ट्रिय महासंघ, नेपाल यातायात मजदुर संघ, अखिल नेपाल यातायात मजदूर संघ र नेपाल यातायात स्वतन्त्र मजदुर संगठन रहेका छन् ।