रामु यादव, कपिलवस्तु
कपिलवस्तु जिल्लाको शुद्धोधन गाउँ पालिका वडा न.१, पतरिया स्वास्थ्य चौकीमा नयाँ सहजकर्ताहरुका लागि एकिकृत पोषण सम्बन्धि तालिम सम्पन्न भएको छ ।
कार्यक्रम यु.एस.ए.आइ.डी.को सहयोग, कालिका स्वावलम्बन समाजिक केन्द्र द्वारा सञ्चालित सुआहारा दोस्रो कार्यक्रम सामुदायिक स्तरमा भएका किशोरी महिला, गर्भावती, १ हजार दिनका आमा तथा बालबालिकाहरुको लागि पोषणको स्थिती सुधार गरि स्वास्थ्य स्तरमा सही रुपमा वृद्धि विकासको लागि र समुदाय लाई स्वास्थ्य स्तरमा सकारात्मक परिवर्तन गर्न को लागि कार्यक्रम भएको हो । यस्तो कार्यक्रम यस वडा मा हाल ३ वटा भएको हो। कार्यक्रममा वडा न.१,भरीको सम्पूणर् टोल बाट २-२ जना गरी जम्मा २८ वटा सामुदायिक सहजकर्ता कालिका स्वावलम्बन समाजिक केन्द्रले खटाएको छ ।
कार्यक्रममा किशोरी ,महिला तथा गर्भावतीको पोषण, प्रजनन ,शारिरीक समस्याहरुको बिशेश ध्यान पुर्याउनु को साथै खाने पानी, गाउँ घर क्लिनीक, सरसफाई ,सुनौलो हजार ,चक्की, मानव वृद्धि ,खाद्य बस्तु ,खाना ,भिटामिन र प्रजनन स्वास्थ्य सम्बन्धि बिषयमा कार्यक्रममा छलफल भएको थियो।सो कार्यक्रम ३ मोडुल/ चरण गरि सम्पन्न भएको छ ।
तालिम पश्चात् नयाँ सहयोगी सहजकर्ता आ- आफ्ना क्षेत्रमा रहेका एक हजार दिनको आमाको घरमा गैइ एकीकृत पोषणका १० ब्यबहारमा परामर्श गरि १ हजार दिनमा पर्ने जोखिममा नपर्न सचेत गर्नका लागि परिचालित हुने ब्यवहोरा सुआहारा कार्यक्रमकी फिल्ड संयोजक कमला सापकोटाले बताइन ।
उक्त तालिम आज ३ चरण गरि सम्पन्न भएको छ तालिममा पालिका सामुदायिक पोषण सहजकर्ता शिव सागर धोबी,सामुदायिक पोषण सहजकर्ता सारधा हरिजन,डाटा इन्ट्री सहजकर्ता रामु यादव,वडा सदस्य मिना फकिर, पतरिया स्वास्थ्य चौकी को इन्चार्ज नाथुराम थारु र सामुदायिक सहजकर्ताहरु को विशेष सहभागीतामा कार्यक्रम सम्पन्न भएको हो।
