अनिता क्षेत्री ,
अर्घाखाँची क्षेत्र नं २ का प्रदेश सभा सांसद रामजी प्रसाद घिमिरेले जनताको समृद्धि र विकासका साथै प्रत्यक्ष सरोकार शिक्षा र स्वास्थ्यमा हुने भन्दै यसतर्फ ध्यान दिनुपर्ने बताएका छन् । आज शितगंगा १३ मुसिवानमा आयोजित मुसिवान स्वास्थ्य केन्द्र को एक कार्यक्रमका विच उद्घाटन गर्दे सो कुरामा जोड दिएका हुन् ।
उनले नगर सड्क बनाउने अभियानमा तिब्रता दिदा यस्ता क्षेत्रमा बजेट घटेको भन्दै जनता स्वस्थ भए मात्र अन्य क्षेत्रको विकास संम्भव हुने बताउदै स्वस्थ मानिस हिडेरै पनी गन्तब्यमा पुग्ने जिकिर गरे ।सो कार्यक्रममा मुसिवान वासीले मुसिवान खोलामा पुल माग गरेपछी त्यसका लागि आफुले प्रदेश सरकारबाट पहल गरेर यथासिग्र पुल निर्माण गरिदिने प्रतिबद्धता व्यक्त गरेका थिए ।
सो अवसरमा विशिष्ट अतिथि नगर प्रमुख सुर्य प्रसाद अधिकारी ले भौगोलिक हिसावले देशमै ठुलो नगर भएको हुदाँ सिमित बजेटले असिमित काम गरेको भन्दै नेपालको पुर्व पश्चिम राजमार्ग भन्दा बढी अर्थात करिव ५ वर्षमा १ हजार ५० किलोमिटर सड्क , शिक्षा, स्वास्थ्य खानेपानी, पुर्वाधारमा विकास भएको बताए । उनले प्रदेश सरकारबाट शितगंगा क्षेत्रमा राख्ने भनेको उद्योग ग्राम अन्तै लैजाने प्रयास भएको भन्दै तत्काल नगरमा औद्योगिक ग्राम स्थापना गर्न प्रदेश सांसद घिमिरेलाई ध्यानाकर्षण गराएका थिए ।
विशिष्ट अतिथि उप प्रमुख टिका रेश्मिले यो अवधिमा ३७ वटा स्वास्थ्य केन्द्र नगरबाट संम्पन्न भएको भन्दै नगरबासीको तिब्र चाहना सड्क संन्जालमा रहेको भन्दै नगरवासीको चाहना अनुसारका सड्क हिँउदमा खन्ने वर्षामा बगाउने गर्दा बजेटको प्राथमिकता अव दिर्घकालिन योजनामा लैजाने बताए ।
उनले यस अवधिमा आफुहरुले नगरको भवनका साथै धेरै पुर्वाधार को विकास गरिसकेको हुँदा अव आउने जनप्रतिनिधिहरुले त्यसलाई निरन्तरताका साथै अन्य विकासका पुर्वाधारमा जोड दिन सहज हुने बताएका थिए । शितगंगा नगरबाट कृषि क्षेत्रमा प्राथमिकता साथ बजेट विनियोजन गर्दै आएको भएतापनी नगरवासी प्रकृया मिलाउन आनकानी गर्ने फर्म दर्ता नगर्ने , लगाएतका कार्यले यसबाट बन्चित हुन परेको र आफुले पट्क पट्क आग्रह गर्दा पनी ध्यान नगर्ने प्रविद्धिले बरु विदेश ताक्ने स्वदेशमा काम गर्न नखोज्ने परिपाटिको अन्त्य गर्नुपर्ने बताएका थिए ।
कार्यक्रमका अध्यक्ष एवं सो वडा का वडा अध्यक्ष दुर्गा वि.सी ले मुसिवान स्वास्थ्य केन्द्र स्थापना गर्नका लागि आफुले नगरमा ठुलो लडाई लड्नु परेको भन्दै अव मुसिवानबासी सामान्य रोग र खोपका लागि नगर र अन्य निकायमा धाउन नपर्ने बताएका थिए । उनले स्वास्थ्य केन्द्रमा औषधी अभाव र स्वास्थ्यकर्मीको अभाव हुन नदिन नगरका स्वाथ्य प्रमुखको समेत ध्यानाकर्षण गराएका थिए । वडामा आएको सामान्य बजेटले धेरै विकास गरेको भन्दै वडाको बजेट भन्दा त्यहाँका सामुदायिक वनमा बढी बजेट हुने बताएका थिए ।
कार्यक्रममा स्वास्थ्य शाखा प्रमुख नम नारायण बेल्वासे, समाजसेवी गिता भाट क्षेत्री, तारापती वि.सि , जग्गा दाता प्रेम बहादुर भाट क्षेत्री प्रमुख प्रशासकिय अधिकृत झविन्द्र खनाल , योजना शाखाका नुमलाल खनाल, लगाएतले मन्तव्य व्यक्त गरेका थिए ।
उद्घाटन को अवसरमा उक्त स्वास्थ्य केन्द्रबाट ७० जनाले कोरोना विरुद्धको खोप लगाएको केन्द्रका अ.हे.व जिवन शक्ति वि.सी ले बताएका छन् । कार्यक्रम बाबुराम वि.सी को स्वागत र सिमलपानी स्वास्थ्य चौकि प्रमुख राम प्रसाद खनालको संचालनमा संम्पन्न भएको थियो ।
