लुदस,
कपिलवस्तुको शुद्धोधन गाउँपालिका अध्यक्ष कमलेश कुमार चौधरीले आज लवनी स्थित स्वास्थ्य चौकी को निरिक्षण अनुगमन गर्नुभएको छ । अनुगमनका क्रममा उहाँले स्वास्थ्य चौकी परिसरको सरसफाई शौचालयको अवस्था,, क्लिनिकल प्रयोगशाला, अपरेशन थिएटर, विरामीको अवस्था , विभिन्न वार्डहरू लगायतको अवलोकन गर्नुभएको थियो ।
उपमेयर लाला सहित विहान १० बजे नै अस्पताल पुग्नुभएका अध्यक्ष चौघरीले निरीक्षण पश्चात अस्पतालमा कार्यरत चिकित्सक, स्वास्थ्यकर्मी लगायतका कर्मचारीहरूलाई निर्देशन दिदै सरसफाईमा ध्यान पुर्याउनुपर्ने भन्दै जनताको शारीरिक तथा मानसिक स्वास्थ्य उसको कार्य सम्पदान गर्ने सामर्थ्य र मनोबलसँग जोडिने भएकोले गाउँपालिकाको लक्ष्य प्राप्तिका लागि बिरामी जाँच र उपचारमा स्वास्थ्य चौकीमा प्रशासन तथा कार्यरत कर्मचारीहरू संवेदनशील हुनुपर्ने बताउनुभयो ।
साथै उहाँले गुणस्तरीय स्वास्थ्य सेवा प्रदान गर्ने सवालमा संस्थाले सानो ठुलो, धनी गरिव,नेता,जनप्रतिनिधिहरुमा विना विभेद समानता कायम गरी असल व्यवहार, उचित परामर्श, सहानुभूतिपूणर् उपचारको माध्यमबाट सेवामा सबैको सरल र सहज पहुँच हुने वातावरणको सुनिच्चितता गर्नुपर्ने उल्लेख गर्नुभएको थियो ।
चौधरीले अस्पतालमा आवश्यक वस्तु तथा कुनै समस्य आए आफु जुनसुकै बेला समाधान का निमित्त तयार रहेको भन्दै औषधिको गुणस्तर, पारदर्शी सेवा प्रवाहको साथै कमि कमजोरीमा सुधार गर्दै अगाडि बढ्नुपर्ने बताउनुभयो । विद्यमान सेवाहरूलाई व्यवस्थित र प्रभावकारी बनाउन तथा अस्पतालको दीर्घकालीन विकासको लागि सुधारका क्षेत्रहरू पहिचान गरी ठोस योजना बनाएर अगाडि बढ्न उहाँले निर्देशन दिनुभएको थियो ।
साथै उहाँले गाउँपालिकाका विभिन्न क्षेत्रमा समेत निरिक्षण गर्दै सेवा प्रदायक संस्थाहरुलाई अधिकार मात्र नभई कतव्र्य पालना गर्नुपर्ने भन्द्र तत्काल सुधारका लागि आजैबाट शुरुवात गर्नुपर्ने बताउनुभएको थियो ।
