राष्ट्रिय जनमोर्चा, दाङ देउखुरीको पाचौँ जिल्ला सम्मेलन आगामी २०८० साल जेठ १२ र १३ गते घोराहीमा हुने भएको छ । यही चैत १७ गते बसेको जिल्ला समितिको बैठकले सम्मेलनको मिति निर्धारण गरेको हो ।

सम्मेलनको मूल नारा ‘गणतन्त्र, धर्म निरपेक्षता तथा राष्ट्रियताको रक्षा गरौँ ! महङ्गी, भ्रष्टाचार तथा सबै खाले बेथितिका विरुद्ध पाचौँ जिल्ला सम्मेलन सफल पारौँ’ तय गरिएको राजमो दाङले जनाएको छ । बैठकले जिल्ला सम्मेलन सफल पार्न विभिन्न उपसमितिहरु र्मिाण गरेको अध्यक्ष गणेश आचार्यले जानकारी दिनुभएको छ । जिल्ला सम्मेलनको लागि जिल्ला अध्यक्ष गणेश आचार्य संयोजक रहने गरि १३ सदस्यीय मूल व्यवस्थापन समिति गठन गरिएको छ ।

यसैगरी जिल्ला सचिव वसन्त पौडेल संयोजक रहने गरि १५१ सदस्यीय प्रचार प्रसार उप समिति, कोषाध्यक्ष श्यामलाल पोख्रेल संयोजक रहने गरि ९ सदस्यीय आर्थिक उप समिति, उपाध्यक्ष महेश रिजालको संयोजकत्वमा ५ सदस्यीय अतिथि सत्कार उपसमिति, सदस्य खडानन्द खनालको संयोजकत्वमा ३ सदस्यीय आवास तथा मेस व्यवस्थापन उपसमिति गठन गरिएको छ । यसैगरी राजनीतिक तथा सांगठनिक प्रतिवेदन तयार गर्न अध्यक्ष आचार्य, विशेष प्रस्ताव तयार गर्न सचिव वसन्त पौडेल र आर्थिक प्रतिवेदन तयार गर्न कोषाध्यक्ष पोख्रेललाई जिम्मेवारी दिइएको छ । जिल्ला सम्मेलनअघि आगामी वैशाख १० भित्र वडा तथा पालिका भेला/सम्मेलन गरिसक्ने निर्णय पनि बैठकले गरेको छ । घोराहीमा वैशाख १३ गते, लमही वैशाख १६ गते, गढवा वैशाख २२ गते, राप्ती र तुलसीपुर वैशाख २३ गते बङ्गलाचुली र राजपुर वैशाख २५ गते, बबई, दङ्गिसरण र सान्तिनगरमा भेलाको कार्यक्रम तय गरिएको छ । साथै आगामी चैत २४ गते लमहीमा जनआन्दोलन दिवस मनाउने राजमोले जनाएको छ ।