लुदस,कपिलवस्तु
कपिलवस्तुको गुडरुङ खोलामा स्वाभिमान कन्ट्रक्सनले व्यथिति मच्चाएको छ । नदीजन्य पदार्थ निकासीको ठेक्का पाएको स्वाभिमानले खोलामा जेसिबिको प्रयोग गरेको छ भने नाँपजाँज नगरेको स्थानबाट खोला उत्खनन् गरिरहेको छ ।
सम्झौता विपरित नदीजन्य पदार्थ निकाली रहेको स्वाभिमानले खोलामा बेथिति मच्चाइ रहदा नियामक निकाय मुखदर्शक बनेको स्थानीयले आरोप लगाएका छन् ।
स्भाभिमानका संचालक कृष्ण पोख्रेल हुन् । बुटवल नयाँगाउँ निकासी पोख्रेलले हरेक बर्ष गुडरुङ खोलामा ठेक्का लगाउँदै आएका छन् । गत बर्षपनि यहीँ नाकामा ठेक्का पाएका उनले यसैगरी बेथिति मच्चाएका थिए ।
हरेक बर्ष एउटै नाकामा ठेक्का लगाउँदै आएका उनको यहीँ नाकामा क्रसर उद्योग छ । खोलाबाट नदीजन्य पदार्थ निकालेर घाटगद्धी मार्फत निकासीको ठेक्का पाएका उनले नगरपालिकाको आँखा छलेर सिधै आफ्नो क्रसरमा नदीजन्य पदार्थ लैजाने गरेको नाम नबताउने शर्तमा एक स्थानीयले बताए ।
‘क्रसरसँगै जोडिएको स्थानमा घाटगद्धी गराउनू नै शंकाको विषय छ’, ती स्थानीयले भने ।
स्वाभिमानले गुडरुङ खोलाबाट १८ हजार घनमिटर नदीजन्य पदार्थ उत्खनन गर्ने ठेक्का पाएको हो । झण्डै ५८ लाख रकममा उनले ठेक्का पाएको ठेकेदार प्रतिनिधि यदुमणी पोख्रेलले बताए । ठेक्का आफूले पार्दै गर्दा उनले नगरले तोकेको दररेटमा दुई लाख मात्र बढाएका थिए ।
निकासी खुलेको एक महिना भित्रै तोकिएको परिमाणको उत्खनन भइसकेको खोलाको अवस्था हेर्दा प्रमाणित हुन्छ । ठेक्का पाएका दिनदेखि नै स्वाभिमानले खोलामा दिनहुँ बेला बेलामा जेसिबिको प्रयोग गरिरहेको छ । जेसिबिबाट नदीजन्य पदार्थ निकालेको हुँदा तोकिएको परिणाम एक महिना भित्रै सकिएको ठेक्कामा शेयर हालेका एक युवाले बताए ।
मंगलरबार मात्र स्वाभिमानले खोलामा जेसिबि प्रयोग गरिरहेको थियो । जेसिबिले टिप्पर र ट्याक्टरलाई माल भरिरहेको थियो ।
क्रसरमा रहेका जेसिबिले नपुगेर उनले अर्को जे.सी.वि थपेको जे.सी.वि चालकले बताए । उनले टेक्टर फसेको निकाल्ने निहुँमा कहिलेकाहि टिप्परमा भर्ने गरेको स्विकारे । रातदिन खोला उत्खनन गरिरहेको गाउँले पनि बताउँछन् । नियामक निकाय मुखदर्शक हुँदा आफूहरुले पटकपटक यो विषय उठाउँदा कुनै सुनुवाई नभएको गाउँलेले गुनासो गरे ।
‘यो खोलामा अव्यस्थित तरिकाले खोला उत्खनन गर्दा हरेक बर्ष गुडरुङले कटान गर्दै आएको छ ।
हेक्टरौं वन क्षेत्र खोलामा परिणत भएको छ भने खोलामा रहेको पानी समेत पातलिएको छ,’ रुखहरु ढलेको ढलै छन् । ठेकेदारको मनपरी कस्ले रोक्ने गाउँलेहरु प्रश्न गर्छन् ।नगरले अनुमती नदिएको ठाउँमा अवैध डम्पिङ्ग
ठेकेदारका त्यसो त स्वभिमान कन्ट्रक्सन यतिमा मात्र सिमित छैन् । नगरले तोकेको क्षेत्रभन्दा अन्य ठाउँमा पनी सोहि क्षेत्रबाट डम्पिङ्ग भैरहेको छ । उक्त डम्पिङ्ग अवैध भएको स्वभिमानका प्रतिनिधिहरु स्वीकार गर्दछन् । तर कस्को भन्ने विषयमा जवाफ लुकाउछन् । त्यस विषयमा त्यहाँका स्थानीय सर्वसाधारणले गाउँका टाठाबाठा र ठेकेदारको मिलेमत्तोमा सो डम्पिङ्ग भएको र त्यो बेलाबेलामा सोहि क्रशरमा जाने गरेको बताए ।
ट्रेक्टर डम्पिङ्गमा टिप्पर क्रशरमा
नाकाबाट निकासी भएको नदिजन्य पदार्थ नगरपालिकाले तोकेको डम्पिङ्गमा लैजानुपर्ने प्रावधान छ । त्यहाबाट नगरपालिकाका नियामक निकायले परिणाम एकिन नापजाँच गरेर मात्र विक्रि गर्ने नियममा उल्लेख छ । तर डम्पिङ्ग नजिक क्रशर भएको स्वभिमानले टेक्टरहरु डम्पिङ्गमा पठाएर जे.सी.वि मार्फत लोड गरिएका टिप्पर भने क्रशरमा पुर्याउने गरेको पाईएको हो ।
प्रकाशित : २०८१ चैत्र २१, बिहीबार १०:१५
