काठमाडौं । नेपाली सेनाले सरकारी स्वामित्वको दुग्ध विकास संस्थान (डीडीसी)सँग दूध तथा दुग्धजन्य पदार्थ खरिद गर्ने सम्झौता गरेको छ।
सम्झौताअनुसार देशभरका ३२ जिल्लामा रहेका नेपाली सेनाका ब्यारेकहरूमा नियमित रूपमा डीडीसीबाट प्रशोधित दूध तथा विभिन्न दुग्धजन्य पदार्थ आपूर्ति हुने भएको छ।
अब सेनाका ब्यारेकमा डीडीसीको प्रशोधित दूधसँगै दही, पनिर, होल मिल्क पाउडर र चिजसमेत उपलब्ध गराइनेछ। यसबाट सरकारी संस्थानबाट उत्पादित दुग्धजन्य सामग्रीको प्रयोग तथा स्वदेशी उत्पादनको प्रवर्द्धनमा सहयोग पुग्ने अपेक्षा गरिएको छ।
सरकारले स्वदेशी उत्पादनलाई प्राथमिकता दिने नीतिअनुसार नेपाली सेना र डीडीसीबीच भएको यो सम्झौताले दुग्ध उत्पादक किसान तथा सरकारी स्वामित्वको संस्थानलाई समेत बजार विस्तारमा सहयोग पुग्ने बताइएको छ।
प्रकाशित : २०८३ आश्विन २१, बुधबार १२:५५
