लुदअ अर्घाखाँची, चैत्र १८
विश्वभर कोरोना भाईरसको महामारी तिब्र गतिमा फैलिरहेका बेला सर्वसाधारणमा मात्र हैन उनीहरुलाई प्रत्यक्ष रुपमा चेकजाँच गर्ने स्वास्थ्यकर्मीहरुलाई पनि उत्तिकै जोखिम बढेको छ । रात दिन विरामीहरुको उपचारमा तल्लिन स्वास्थ्यकर्मीहरुलाई आवश्यक पर्ने सुरक्षाका सामगी्रहरु राज्यले उपलब्ध नगराउदा उनीहरुमा त्रास बढेको छ । सोहि समस्यालाई मध्यनजर गर्दै अर्घाखाँचीको शितगंगा नगरपालिका वडा नंं. १३ ले आवश्यक स्वास्थ्य सामाग्रीहरु उपलब्ध गराएको छ ।
विशेष गरि विश्व महामारीको रुपमा फैलिरहेको यो विषम परिस्थितीमा उनीहरुको सुरक्षालाई मध्यनजर गरी सो सामाग्रहिरु उपलब्ध गराईएको वडाअध्यक्ष दुर्गा बहादुर विसिले बताएका छन् । वडा नं. १३ ले नेपाल सरकारका उपसचिव राजन विसिको सहयोगमा वडाको सिमलपानी स्वास्थ्य चौकी, वडा नं. १४ का पावरा र करेचुली बायो खोप केन्द्रमा कार्यरत कर्तब्यनिष्ठ स्वास्थ्यकर्मीहरुलाई पीपीई प्रदान गरी उदाहरणिय कार्य गरेका छन् ।
पिपिई प्रदान गर्दै वडाअध्यक्ष दुर्गा विसिले यो महामारमि सबैभन्दा जोखिम स्वास्थ्यकर्मीलाई रहेको भन्दै सो सामग्री वितरण गरिएको भन्दै सधैभरी सर्वसाधारणको स्वास्थ्य प्रति चिन्तित स्वास्थ्यकर्मीहरु प्रति सम्मान व्यक्त गरे । उनले भौतिक निर्माणले मात्र वडा संमृद्ध नहुने भन्दै स्वास्थ्य समस्या विकराल गएको प्रति पनि आफु गम्भिर भएको बताए । वडाध्यक्ष विसिले स्वास्थ्यमा वडालाई मजबुत र बलियो बनाउन लागिपरेको बताउँदै सरकारले घोषणा गरेको लकडाउनलाई सबैले पालना गरि कोरोना भाईरस जस्तो महामारीबाट बच्न सवै वडावासीलाई आग्रह गरे । उनले यो लकडाउनको विषम परिस्थितीमा विपन्न, गरिव तथा मजदुरहरुका लागि पनि वडाले विशेष राहतको व्यवस्था गर्ने प्रतिवद्धता व्यक्त गरे ।
सो संगै स्वास्थ्यकर्मीहरुले वडाअध्यक्ष विसिलाई धन्यवाद व्यक्त गरे ।
