रुकुम पश्चिम घटनामा संलग्नलाई हदैसम्मको कार्यवाही गर्न आयोनको माग

ByLumbini Darpan Online

१३ जेष्ठ २०७७, मंगलवार ११:२० १३ जेष्ठ २०७७, मंगलवार ११:२० १३ जेष्ठ २०७७, मंगलवार ११:२०

लुदअ, जेठ १३

नेपाल युवा सञ्जाल (आयोन)ले रुकुम पश्चिममा अन्तर्जातीय विवाह गर्ने क्रममा स्थानीयको कुटपिटबाट तीनजनाको मृत्यु र तीनजना बेपत्ता भएको घटनामा संलग्न सबै जनालाई काननु बमोजिम हदै सम्म कार्यवाही गर्न सरकारसँग माग गरेको छ ।

जाजरकोटका नवराज विश्वकर्मा र रुकुम पश्चिमको चौरजहारी नगरपालिका ८ की युवतीबीच अन्तर्जातीय विवाह गर्ने क्रममा स्थानीयको निर्घात कुटपिटबाट तीनजनाको ज्यान गएको र अझै तीनजना बेपत्ता भएको घटनाले कानुन र मानवताकै हत्या भएको आयोनले टिप्पणी गरेको छ ।

विवाह हुने क्रममा स्थानीयले केटा पक्षमाथि सांघातिक हमला गरेको र ज्यान जोगाउन भाग्ने क्रममा नजिकै रहेको भेरी नदीमा हामफालेका युवाहरूमध्ये नवराज विश्वकर्मा, टीकाराम नेपाली र गणेश बुढामगरको शव भेटिएको स्थानीय प्रशासनले जनाएको छ ।

‘मुलुक जातीय विभेद र छुवाछुतमुक्त घोषणा भएको दशकौँ बितिसक्दा र संविधानमै जातीय विभेदलाई दण्डनीय अपराधका रूपमा परिभाषित गर्दा पनि आजको समयमा अन्तर्जातीय बिहे गरेकै कारण ज्यान गुमाउनुपर्ने अवस्था सिर्जना हुनुले कानुनको धज्जी त उडाएको छ नै, सँगसँगै हामीले कस्तो समाजको निर्माण गरिरहेका छौँ भन्ने गम्भीर प्रश्न पनि उब्जिएको छ,’ आयोनद्वारा जारी विज्ञप्तिमा भनिएको छ ।

आयोनका अध्यक्ष जगदीश ऐरले सोमबार विज्ञप्ति जारी गर्दै घटनाबारे गहिरो अनुसन्धान गरी घटनामा संलग्नलाई कानुन बमोजिम कारवाही र
पीडितलाई न्याय, क्षतिपूर्ति र सुरक्षाको उचित व्यवस्था गर्न पनि सरकारसँग आग्रह गरेका छन् ।

Facebook Comments Box

Leave a Reply

Your email address will not be published. Required fields are marked *