सिद्धार्थको समन्वयमा क्वारेन्टाइन स्थल वरिपरी बृक्षारोपण

थानेश्वर अधिकारी,जितपुर ।

सिद्धार्थ सामाजिक विकास केन्द्रको समन्वयमा आज बुद्धभुमी नगरपालिका वार्ड २ वडहरामा रहेको क्वारेन्टाइन क्षेत्र प्राथमिक बिद्यालय परिसर वरिपरी बृक्षारोपण गरिएको छ । संयुक्त राष्ट्रसंघिय विकास कार्यक्रमको सहयोग र बुद्धभुमी नगरपालिका,कपिलवस्तुको सहकार्यमा जुन ५ बिश्व बाताबरण दिवसको सन्दर्भ पारेर क्वारेन्टाइनमा रहेका १० जनाले ५० वटा बिरुवा रोपिएको सिद्धार्थ सामाजिक विकास केन्द्रका पुर्व अध्यक्ष तथा सल्लाहकार पोम नारायन पौडेलले जानकारी दिएका छन् ।

अहिले कोरोना महामारीका कारण नेपाल लगायत छिमेकी मुलुकबाट आउने मानिसहरुलाई अनिवार्य रुपमा क्वारेन्टाइनमा बस्नुपर्ने व्यवस्था रहेको छ । क्वारेन्टाइनमा दिनभरी बस्दा अल्छी लाग्ने , पट्यार लाग्ने भएका कारण उनीहरुलाई काम प्रति आकर्षित गर्न तथा सुरक्षित जिवनका लागी रुख विरुवा अति आवश्यक भएकाले उनीहरुकै सक्रियतामा व्यक्तिगत सुरक्षाका उपायहरु अपनाएर बृक्षारोपण गर्ने र वसाइको अवधी भर संरक्षण तथा रेख देख गर्ने गर्दछन् । जस बापत उनीहरुलाई सामान्य यातायात खर्च उपलब्ध गराईने संस्थाका सदस्य तथा कार्यक्रम व्यवस्थापक त्रिलोचन घिमिरेले जानकारी दिएका छन् ।

फरक अवस्थामा क्वारेन्टाइनमा बसेर १४ दिन समय बिताउन कठिन भएको कुरा सबैले महशुस गरेका छन् । स्वच्छ बाताबरणका लागी रुख बिरुवाको अति आवश्यक भएका कारण प्रकृति मैत्री बन्नका लागी सबैजनाले बृक्षारोपण गरी प्रकृतिलाई सहयोग गर्ने गरी यो कार्यक्रम शुरु गरिएको संयुक्त राष्ट्रसंघिय विकास कार्यक्रमका गण्डकी र ५ नं प्रदेश प्रमुख सुदिप अर्यालले बताएका छन् ।

 बुद्धभुमी नगरपालिका नगर प्रमुख केशव कुमार श्रेष्ठले कार्यक्रम राम्रो रहेको र नगरभित्र हुने सबै कार्यक्रममा नगरले साझेदारी गर्ने बताएका छन् ।

बिद्यालयका व्यवस्थापन समितिका अध्यक्ष शंकर बिष्टले बिद्यालय सबैको साझा संस्था रहेको जसमा सबैका बाबु नानी अध्ययन गर्ने हुनाले सो को लागी वरिपरीको बातारबण संरक्षण गर्न रुख विरुवा रोप्न आवश्यक रहेको बताएका छन् । सोही अवसरमा युएनएफपिएको सहयोग र सिद्धार्थ सामाजिक विकास केन्द्रको समन्वयमा क्वारेन्टाइनमा बस्ने महिला तथा किशोरीका लागी मर्यादा किट र किशोरी किट बितरण गरिएको छ ।

कार्यक्रम बिद्यालय व्यवस्थापन समितिका अध्यक्ष शंकर बिष्टको अध्यक्षता जिल्ला समन्वय समिति कपिलवस्तुका प्रमुख नारायण खनालको प्रमुख आथित्यता, बुद्धभुमी नगरपालिकाका प्रमुख केशव श्रेष्ठ, संयुक्त राष्ट्रसंघिय विकास कार्यक्रमका गण्डकी र ५ नं प्रदेश प्रमुख सुदिप अर्यालको बिशिष्ट आथित्यतामा सम्पन्न कार्यक्रममा बुद्धभुमी नगरपालिका वार्ड नं २ का वडाध्यक्ष भेषराज खनाल , नेकपाका जिल्ला नेता पिताम्बर खनाल, वडा सदस्य इश्वरी खनाल, कार्यक्रम संयोजक जियाउल हक, श्रीधर पोख्रेल, संस्थाका सदस्य तथा कार्यक्रम व्यवस्थापक त्रिलोचन घिमिरे लगायतको उपस्थिति रहेको सो कार्यक्रमको सहजीकरण सिद्धार्थ सामाजिक विकास केन्द्रका पुर्व अध्यक्ष तथा सल्लाहकार पोम नारायन पौडेलले गरेका थिए ।

Recommended For You

About the Author: Lumbini Darpan Online

Leave a Reply

Your email address will not be published. Required fields are marked *