काठमाडौँ। जिन्दगी भनेको हजारौ अनुभवको आरोह अवरोह हो , अनेकौ हण्डले थिचिनुपर्ने र कयौ पटक रन्थनिनु पर्ने । जिवन कला हो जिउन जान्नु पर्छ जाने कला नत्र चर्तिकला भनेझै जिवन व्यतितको क्रममा अनेकौ धरापहरुलाई छिचोल्दै तत्कालिन राष्ट्रिय जनसाँस्कृति महासंघ नेपालको केन्द्रीय सचिव जस्तो जिम्मेवार पदभार ग्रहरण गरिसकेका व्यक्ति हुन् कृपाराम शर्मा धमला। धमलाको साँस्कृति र राजनीतिक जीवनको बारेमा शब्दमा उतार्ने शिल्प खोजिरहँदा उनका उषाकालहरु भोक, रोग र शोकसँग साटिएका छन्। युगान्तकारी परिवर्तनको मैदानमा होमिएका धमलाको जीवन प्रेरणाले भरिएको छ।
कम्युनिष्ट पार्टीको सदस्यता बोकेर जनताको मुक्ति मैदानमा ओर्लिदा उनलाई तत्कालिन सत्ताको विरोधका रुपमा पनि चित्रण गरियो। उनी भन्छन्, ‘राज्यले मलाई परिवर्तनकारीका रुपमा उभिदा आन्दोलनकारी देख्यो। माओवादीले शंकास्पदरुपले हेरे। नौ पटक अपहरण गरे। धन्नै मारेनन्।’
पहाडकी रानी कर्णाली सारा नेपालीका लागि परिचित नाम हो। संघर्षको उपनाम हो कर्णाली। सुनको कचौरामा नुनको भिख माग्न बिवस यहि कर्णाली प्रदेशको कालिकोट जिल्लामा २०२७ चैत २७ गते जन्मिएका धमला मिलनसार र इमान्दार नेताको परिचय बनाएका एक सर्जक हुन्।
स्व. बुबा धनप्रसाद धमला र ममतामयी आमा जयसरा धमलाको कोखबाट जन्मिएका चार बहिनी, तीन भाई मध्येका जेठा सन्तान हुन् कृपाराम। उनका साथमा अहिले श्रीमती, दुई जना छोरी र दुई छोरा छन्।
शालिक र भद्र स्वभावका उनी कालिकोटबाट राजनीतिमा लागेको उनका सहकर्मीहरुका अनुसार उनले प्राप्त गरेको कुनै पनि जिम्मेवारीलाई इमान्दार भएर पूरा गर्ने योद्धा हुन्। पारिवारिक अवस्थालाई समेत वास्ता नगरिकन परिवर्तनको दौरानमा खटिन सक्ने थोरै नेता मध्येका धमालाले सामूहिकताको आधारमा सामाजिक हितको पक्षमा आफूलाई उभ्याउँदै आएका छन्।
कालिकोटको साविकको मुम्राका धमालाले २०४८ बैशाख १ गते नेकपा एमालेको पार्टी सदस्य प्राप्त गरेका हुन्। एस.एल.सी.सम्मको अध्ययन गर्दा गर्दै व्यक्तित्व सार्वजनिक भइ जीवन संर्घषमा होमिनु परेकाले पढाइलाई निरन्तरता दिन सकेनन् । आजको दिनसम्म पार्टीका लागि निरन्तर योग्दान दिँदै आएका धमलाले लाभको पद र कुनै सरक्षणको आस गरेन्।
अन्ततः संस्कृती, पर्यटन तथा नागरिक उड्डयन मन्त्रालयद्वारा प्रदान गरिने संगीत तथा नाट्य बिधातर्फको प्रादेशिक प्रतिभा पुरस्कार २०७६ बाट सम्मानित हुने भएका छन्। राष्ट्रिय जनसाँस्कृक महासंघ नेपालका निःवर्तमान केन्दीय सचिव कृपाराम शर्मा कर्णाली प्रदेशका तर्फबाट पुरस्कृत हुने भएका छन्। यो सम्मान बाट आफुलाई साँस्कृतिक आन्दोलनका क्षेत्रमा अझै शसक्त रुपमा लाग्ने प्रेरणा मिलेको उनी बताउँछन् ।
