सिद्धार्थको समन्वयमा जनता मा.वि. वरिपरी बृक्षारोपण

थानेश्वर अधिकारी,जितपुर ।

कपिलवस्तु जिल्लाको अग्रणी संस्था सिद्धार्थ सामाजिक विकास केन्द्रको समन्वयमा आज बाणगंगा नगरपालिका वार्ड २ मा रहेको क्वारेन्टाइन क्षेत्र जनता मा.वि. पिपरा परिसर वरिपरी बृक्षारोपण गरिएको छ । संयुक्त राष्ट्रसंघिय विकास कार्यक्रमको सहयोग र बाणगंगा नगरपालिका,कपिलवस्तुको सहकार्यमा आज एक सय वटा टिकको बिरुवा लगाइएको सिद्धार्थ सामाजिक विकास केन्द्रका कार्य समिति सदस्य तिलोचन घिमिरेले बताएका छन् ।

जुन ५ बिश्व वातावरण दिवशको अवसर पारेर शुरुवात गरिएको बृक्षारोपण अभियान अन्र्तगत रुपन्देही र कपिलवस्तुका क्वारेन्टाइन स्थलमा गरी अहिले सम्म करिव १५०० बिरुवा लगाइएको सिद्धार्थ सामाजिक विकास केन्द्रका सचिव रोमकान्त घिमिरेले बताएका छन् । पर्यावरण, हरियाली र शितलताका लागी रुख विरुवाको अत्यन्तै महत्व रहेको सचिव घिमिरे बताउँछन् ।

आजको भएको कार्यक्रममा शसस्त्र प्रहरी बल पिपरा वेस क्याम्पका प्रमुख अर्जुन ढकालको नेतृत्वमा शसस्त्र प्रहरीको टोलीबाट बृक्षारोपण गरिएको थियो ।

कार्यक्रममा बाणगंगा नगरपालिका वार्ड नं २ का वडाध्यक्ष बिष्णु प्रसाद पौडेल ले कार्यक्रम राम्रो रहेकोले बृक्षारोपणबाट बिद्यालय सुन्दर र हराभरा हुने र सो को रेख देख गर्न सके स्वच्छ हावा र शितल लिन सहज पुग्ने बताएका छन् ।

कार्यक्रम बाणगंगा नगरपालिका वडा नं २ का वडाध्यक्ष बिष्णु प्रसाद पौडेल, शसस्त्र प्रहरी बल पिपरा वेसका प्रमुख अर्जुन ढकाल ,बिद्यालयका प्रधानाध्यापक रमेश पंथी, सिद्धार्थ सामाजिक विकास केन्द्रका सचिव रोमकान्त घिमिरे, कार्यसमिति सदस्य तिलोचन घिमिरे, हरि अधिकारी लगाएतको उपस्थिति रहेको थियो ।

Recommended For You

About the Author: Lumbini Darpan Online

Leave a Reply

Your email address will not be published. Required fields are marked *