नारायण खनाल, कपिलवस्तु असार १८
हिन्दु धर्मावलम्बीहरुको धार्मिक ग्रन्थ भागबत कथाका एकजना नकारात्मक पात्रको नाम हो धुन्धुकारी । उनी ब्राहमणका संन्तान थिए । उनका दाजु गोकर्ण निकै बिद्धान थिए तर उनका भाई धुन्धुकारी सिर्फ आफु लाई धुरी र केन्द्र बनायर मात्रै सोच्दथे । किनकी ब्राहमणको संन्तानले नै सबै कुराको उपभोग गर्नुपर्छ भन्ने सोच बाट प्रेरित थिए ।
धर्म , राजनीति , समाज ,अर्थतन्त्र र सास्कृतीका सबै लाई उनले ब्याक्तिगत मुनाफा संङ्ग जोडेर हेर्दथे । जुन स्थानमा उनले ब्याक्तिगत लाभ देख्दैनथे,त्यो संस्था नै भताभुङ्ग र लथालिङ्ग अनि चकनाचुर बनाइदिन्थे । उनको सोच नै नकारात्मक थियो । उनको सोच्ने, बुझ्ने ,विश्लेषण र शस्लेषण गर्ने र निष्कर्ष निकाल्ने तरिका नै नकारात्मक थियो । उनी आफु भित्रको अन्तरनिहित अयोग्यता र असक्षमताका सवालमा भलिभांती जानकार थिए । त्यस प्रकारका कमजोरी ढाकछोप गरेर युगो युग सम्म एैयासी गर्न सकिन्छ भन्ने उनको बिश्बास थियो । उनले त्यही कारणले गर्दा बिबाह समेत गरेका थिएनन् । उनको यही भडुबा बिकासबादी नकारात्मक सोच ,आसेपासे प्रति बफादार र फ्रायडबादी बढी रुझान भएकै कारण उनलाई गाउँका महिलाहरुले मिलेर एक दिन गिरफ्तार गरि हाथखुट्टा बाधेर गहिरो इनारमा धकेली दिएपछि उनको मृत्यु भएको उल्लेख छ ।
नेपालका प्रधानमन्त्री केपि शर्मा ओली अहिले यहि धुन्धुकारी पथमा बेग मारिरहेका छन ।किनकि जेलको मार्कशिट र सठिफिकेट छदैछ भन्ने मनोरोगले उनी ग्रस्त छन् र यसै लाई उनी योग्यता ठानि रहेका छन् ।यस प्रकारको चिन्तनले निम्त्याउने सर्बनास मात्रै हो ।
