हरि आचार्य कपिलवस्तु, असार १९
विश्व महामारीको रुपमा फैलिएको कोरोना भाईरस (कोभिड १९) होस् वा सलह किराले वालि नालि नष्ट गरोस् तथा बाढी पहिरोले समस्या आओस् सबै भन्दा पहिला समस्या समाधान गर्ने निकाय स्थानिय तह ! त्यसमा पनि सर्वसाधारणका समस्या देख्ने र तत्काल समस्या समाधान गर्ने वडाअध्यक्ष !
यति खेर कोरोनाका कारण लकडाउन भयो मजदुरहरुले काम गर्न नपाएर छाक टार्न गाह्रो छ । भारत तथा अन्य देशमा गएर श्रम गरि परिवार पालेका युवाहरु स्वदेशमा छन् स्वदेशमा रोजगार छैन ।
देशकै ठुलो नगरपालिका अर्घाखाँचीको शितगंगा नगरपालिकामै सबैभन्दा ठुलो वडा नं. १३ का वडाअध्यक्ष दुर्गा बहादुर विसी यतिखेर वडावासीको समस्या समाधानमै लिप्त छन् । भौगोलिक वनावटमा विकट क्षेत्र शितगंगा १३ मा सबै वडावासीका समस्या समाधान गर्न विभिन्न चुनौतिहरुको सामना गर्दै अगाडि बढिरहेका छन् ।
वडा कार्यालय देखि आफ्नो घर पुग्न करिव १ घण्टाको बाटो हिड्नुपर्छ त्यो माथि यो बर्षाको समय त्यसैले उनी घर जाँदैनन् वडाकार्यालयमै बस्छन्, विहान ६ बजे देखिनै वडाअध्यक्ष विसी र वडा सचिव आनन्द लाल कर्ण कार्यालयको काममा व्यस्त हुन्छन् ।
त्यत्तिकैमा देउराली पारेका कविराम विसीको फोन आउँछ, उनले भन्छन् अध्यक्ष ज्यु मेरो त बारीभरिकै मकै र तरकारी वाली सलह किराले नष्ट गरिदियो भोकमरीले मरिनि भईयो, वडाबाट राहत दिनुप¥यो । चिन्ता नगर्नुस म जनताकै सेवामा छु भोकै रहन दिन्न वडाअध्यक्ष भन्छन् प्रहरी मुचुल्का उठाएर राहतका लागि सिफारिश गर्छु ।
त्यो नभन्दै फेरी डडुवा निवासी ९४ बर्षिय टेक बहादुर क्षेत्री लठ्ठीको साहारामा आउँछन् अनि भन्छन् मेरो घरमा चामल सकियो, अनि वडाअध्यक्ष विसीले भन्छन् हुन्छ म चामल घरमै पठाईदिन्छु तपाई घर जानुस् चिन्ता नगर्नुस् ।
वडा नं. १३ का देउराली पारेका नन्द बहादुर भाट, जुद्ध बहादुर भाट, हिटन टोलका बसन्त हिटन, नेटा खर्कका मान बहादुर सुशिला विसी लगायत डडुवा तथा बाहुन खर्कका गरी वडाका अधिकांश स्थानमा कृषिमै जिवन धानेका कृषकहरुको वालिनाली सलह किराले सखाप पारिसकेको छ ।
कहिले कोरोना, कहिले सलह अब झन बर्षाले गर्दा गरिव विपन्न परिवारहरुको अवस्था दयनिय छ । त्यो दुःख देख्दा जो सुकैका आँखा पनि रसाएर आउँछन् । वडाअध्यक्ष विसी भने राज्यको मुख ताकेर पन्छिनु भन्दा वडावासीका समस्या समस्या समाधानमै समय विताउँछन् ।
त्यस्तै दिनको एक पटक भारत तथा तेस्रो मुलुकबाट आएका व्यक्तिहरु रहेको क्वारेन्टीनमा पुग्छन् अनि समस्या सुन्छन् ती समस्या पनि समाधान गर्छन् ।
बर्षाको समय बाटो आज बनायो भोलि उस्तै हुन्छ, कोहि बिरामी भयो भने बाटोका कारण विरामीको छिटो उपचार हुन सक्दैन त्यसमा आफु चनाखो भएकोे उनी बताउँछन् । वडाकार्यालयमा प्रवेश गरेपछि समस्या राख्नेको भिड लाग्छ अनि सबैको एक एक गरेर समस्या सुन्छन् सबैका समस्याको समाधान तर्फ लाग्छन् वडाअध्यक्ष विसी ।
वडावासीका समस्या प्रत्यक्ष समाधान गर्न धेरै चुनौतीहरु छन् तर पनि वडावासीलाई आधारभुत आवश्यकतामा कमि हुन नदिने वडाअध्यक्ष विसीले प्रतिवद्धता व्यक्त गरे ।
