बहकिएका मन

ByLumbini Darpan Online

२७ कार्तिक २०७७, बिहीबार १६:५२ २७ कार्तिक २०७७, बिहीबार १६:५२ २७ कार्तिक २०७७, बिहीबार १६:५२

निस्ता थापा ।

भनिन्छ मानिस परिस्थितिको दास हो मानिस समय र परिस्थिति अनुसार चल्नुपर्छ । समयको नियति गतिशिलता हो समय र समुन्द्री आँधीले कसैलाई पनि पर्खदैन भनेझै जिवन गतिशिल र उर्जाशिल रुपमा अगाडी बढाउने चाहना अनुरुप तराई जिल्लाको जलेश्वरमा जन्म लिएर त्यसैलाइ कर्मथलो बनाएर स्वर्णिम भविश्य बनाउने परिकल्पना अनुसार जिवनको बागडोर सम्हाल्दै अगाडी बढिरहेकी छु । आमाको न्यानो काखमा जन्म लिइ उनैको छातिमा उत्पन्न अन्नपातको प्रभावले तोते बोल्दा बोल्दै आज बिद्यालय तहको शिक्षा उत्तिर्ण गरी उच्च शिक्षा हासिल गर्न प्रयासरत छु । बिद्यालय जिवनमा सँगै जन्मेका हुर्केका साथीहरुसँग आत्मिय साइनो गास्दै उनिहरुसँगको सम्बन्ध नविकरण गर्दे बिद्यालय तहसम्मको अध्ययन पुरा गरियो ।

आमा बुवाको न्यानो मायामा हुर्केका कारण मलाई जिवनका कहिल्यै अभाव र समस्याको पनि महशुस हुन पाएन । भनिन्छ जिवनमा सफल हुन बाउन्न हण्डर त्रिपन्न घुस्सा खानुपर्छ रे जिवनमा सफल र असल व्यक्ति हुन पुर्ण बिश्वास र नियमपुर्ण अभ्यासको जरुरी पर्दछ । म सानै उमेर देखी बाट एउटा सफल सामाजिक अभियान्ता बन्न चाहन्थें । समाजभित्र रहेका बेथिति र कुरितिको अन्त्य गरी सामाजिक क्षितिजमा नयाँ आयाम थप्ने उच्च अभिलाषाका साथ जिवनको रथ हाँकिरहेकी छु । जिवन यात्रा गर्ने क्रममा कयौ साथीहरु तथा अग्रजहरु सँग भेट भयो जिवनमा केही व्यक्तित्वहरु मेरो जिन्दगीको पथप्रदर्शक बनेर रहनुभएको छ ।

जिवनमा कसैको साथ अनि लड्दा खेरी समाउने हात चाहिन्छ भनेझै उहाँहरुले दिएको अनन्य सल्लाह, सुझाव र प्रतिकृयाले आज जिन्दगीले सही गन्तव्य लिएर अगाडी बढिरहेको छ । जिन्दगी कानुनी गुणफल,योगफल वाद प्रतिवादको समिकरण मात्र होइन रहेछ यो त अविरल गतिमा प्रवाहित प्रेमको सरित प्रवाह रहेछ । यदि संसारलाइ बदल्नु छ भने शुरुवात आफैबाट गर्नुपर्छ भन्ने स्वामी विवेकानन्दको भनाइबाट प्रेरित भएकी म जिवन व्यतितको आडमा धेरै उतार चढावहरु व्यहोर्नु परेको छ । सरल र मिजास स्वभावका कारण धेरै साथीहरु म प्रति आकर्षित हुने गर्दथें र नजानिदो तरिकाबाट मायामा लिप्त हुने बहाना पनि गर्दथें कहिले निकटता र कहिले बिकटताको अभिनय गरेर मेरो स्वभावको अग्निपरिक्षा लिने गर्दथें तर म त्यसलाई त्यति वास्ता गर्दिनथें मानिस आस्था, बिश्वास र समर्पणका आगाडी झुक्नुपर्दो रहेछ ।

केही मानिसहरुमा बिश्वासको खडेरी परेको यो अपरिचित शहरमा कहिलेकाही मान्छे भित्रको मानवता हराउदै गएको महशुस गरेको छु । तर यही शहरमा केही महान् हस्थिहरु पनि भेटिए जसले कुहिरोमा हराएका यि मनहरुलाई सहि गन्तव्य दिएर अगाडी बढ्ने प्रेरणा प्रदान गरेका छन् । अनि दोसाँध अल्झिएको यो जिन्दगीलाइ सही मार्गदर्शनको कारण मेरो जिन्दगीमा नयाँ आयाम थपिएको छ अनेकौ हण्डरले थिचिएका यि मनहरु लक्ष्य प्राप्तीको लागी अनवरत रुपमा लागिरहेका छन् अव जिन्दगीले छिट्छै सफतलाको शिखर चुम्न सफल हुनेछ म हृदय देखी नै हार्दिक नमन गर्न चाहन्छु ति सहयोगी मनहरुलाई जसले मेरो जिन्दगीमा सधै मार्गदर्शक बनेर रहिरहनेछ ।

Facebook Comments Box

Leave a Reply

Your email address will not be published. Required fields are marked *