बुटवल ।
आइतबार बुटवलमा स्कुल बस दुर्घटनामा परी १० जना विद्यार्थी घाइते भएका छन् ।बुटवल उपमहानगरपालिका–४, एभरेष्ट इङलिस् बोर्डिङ स्कुलको लु १ क ५४४ नम्बरको बसको दुर्घटना भएको हो ।
ज्योतिनगरको ओरालोमा गाडीको ब्रेक फेल भएर गाडी दुर्घटना भएको लुम्बिनी प्रदेश ट्राफिक प्रहरी कार्यालय बुटवलले जानकारी दिएको छ । बस विद्यार्थी लिएर विद्यालयतर्फ आउँदै गर्दा चालक कृष्ण पुनले गाडीमा ब्रेक नलागेपछि बसलाई रुखमा ठोक्काएर विद्यार्थी बचाएको स्थानीय प्रत्यक्षदर्शीले बताएका छन् ।
। घाइते सबै विद्यार्थीको लुम्बिनी प्रादेशिक अस्पताल, बुटवलमा उपचार भइरहेको प्रहरीले जनाएको छ ।