लुदअ भदौ १८, काठमाण्डौ
सिद्धार्थ राजमार्ग अन्तर्गत पाल्पा–बुटवल सडक खण्ड गएरातिदेखि एकतर्फी खुलेको छ ।
पाल्पाको तिनाउ गाउँपालिका–५ हिउँदे खोलामा बनाइएको डाइभर्सनमै खसेको पहिरो पन्छाएर गएराति १२ बजेदेखि सडक खुलेको हो । सडक डिभिजन पाल्पाका डिभिजन प्रमुख प्रदिपमणि निरौलाका अनुसार अझै पनि सडकमा केही हिलो भने बाँकी नै छ । हिलो तीन वटा मेसिनले पन्छाउने काम भैरहेको छ ।
सडक खुलेपछि रोकिएका गाडी र यात्रु गन्तव्यमा लागेका छन् । अस्ति दिउँसोदेखि बन्द भएको सडक डाइभर्सन निर्माण गरी खुलाइएको थियो । तर हिजो बिहान फेरि दुई ठाउँमा पहिरो खसेपछि दिनभर नै पूर्णरुपमा ठप्प भएको थियो ।
प्रकाशित : २०७९ भाद्र १८, शनिबार ८:२६
