हरि आचार्य, कपिलवस्तु
राष्ट्रिय लोक तथा दोहोरी गीत प्रतिष्ठान नेपाल जिल्ला कार्यसमिती कपिलवस्तुको छैठौं अधिवेशन तथा १२ औं साभारण सभा आज हुंदैछ । जिल्ला कार्यसमितीको बैठकको निर्णय अनुसार छैंठौं अधिवेशन तथा १२ औं साभारण सभा आज गर्ने निर्णय भएको हो ।
कपिलवस्तुको बाणगंगा ४ ठाकुरापुरमा रहेको पिस हिमालयन रिसोर्टमा विहान साढे ११ बजेबाट कार्यक्रम सुरु हुने छैठौं अधिवेशन तथा १२ औं साभारण सभाको सम्पुर्ण तयारी पुरा भएको प्रतिष्ठानका अध्यक्ष थानेश्वर अधिकारीले जानकारी दिनुभयो । साथै अधिवेशनले नयाँ कार्यसमिती समेत चयन गर्ने छ, जसका लागि विभिन्न पदमा उत्साहजनक रुपमा आकांक्षीहरु अगाडि आएका छन् ।
कार्यक्रममा उपस्थित हुनका लागि संस्थाका साधारण सदस्य, आजीवन सदस्य, सल्लाहकार तथा सम्पुर्ण अतिथिहरुलाई प्रतिष्ठानले आग्रह गरेको छ । साथै कार्यक्रममा राष्ट्रिय स्तरका कलाकारहरुको पनि उपस्थिती रहने बताईएको छ ।
