लुदअ, कपिलवस्तु माघ १३
इन्सेक लुम्बिनी प्रदेश कार्यालयको आयोजनामा कपिलबस्तु नगरपालिकाको तौलिहवामा दुइ दिने मानव अधिकार समुह र स्थानीय सरोकारवालाहरुको अभिबृद्धि तालिम शुरु भएको छ । उक्त तालिमको उद्घाटन सत्रमा कपिलबस्तु नगरपालिकाका उपमेयर सुनिता गुप्ताले मानव अधिकार र कानुनी विषयका बारेमा बुझ्दै जाने क्रम रहेको हुँदा यस तालिमबाट धेरै बिषयबस्तुहरु सिक्ने अवसर पाउने बताउनु भयो । उपप्रमुखको मुख्य कार्य भनेको पिडित पक्षलाई न्याय दिने भएकोले निष्पक्षरुपमा न्याय दिन लागी परेको समेत उहाँले बताउनु भयो ।
यस्तै मायादेवी गाउँपालिकाका उपाध्यक्ष सरस्वती यादवले मानव अधिकार सम्बन्धि तालिमले हामी जनप्रतिनिधिहरुलाई मानव अधिकारका सवालमा झकझकाउन सहज हुने बताउनु भयो । वहाँले आफु जनप्रतिनिधिको हैसियतमा रहिरहदा गाउँपालिकाले दिने सेवा सुविधामा जनतालाई समान अधिकार दिने प्रतिवद्धता जनाउनु भयो ।
जिल्ला अदालत कपिलबस्तुका श्रेष्तेदार सुमन पाण्डेले मानव अधिकार, मौलिक हक, न्यायीक समितिको काम कर्तव्य अधिकारका विषयमा सहजीकरण गर्दै कानुनमा टेकेर मात्र निर्णय गर्न न्यायिक समितिलाई सुझाव दिनु भयो । महिला, बालबालिका तथा जेष्ठ नागरिक सेवा केन्द्र कपिलबस्तुका प्रमुख शैलेश्वरी वोहोराले महिला सगं सम्बन्धीत कानून घरेलु हिंसा , बहु विवाह, बाल विवाह लगायतका कानुनी विषयमा सहजीकरण गर्नु भएको थियो ।
यसैगरी बरिष्ट मानव अधिकारकर्मी पोम नारायण पौडेलले मानव अधिकार जन्मसिद्ध अधिकार भएको हुँदा यसलाई जो कसैले पनि हरण गर्न नमिल्ने बताउनु भयो । वहाँले आर्थिक, सामाजिक, सास्कृतिक अधिकार र उपभोक्ताको अधिकारको विषयमा सहजीकरण गर्दै मानव अधिकारको संरक्षण सम्बद्र्धन र प्रवद्र्धनकोलागी राज्यले ग्यारेण्टी लिनु पर्ने बताउनु भयो ।
इन्सेकका लुम्बिनी प्रदेश कार्यालयका कार्यक्रम संयोजक सरस्वती मल्लले तालिमको उदेश्य माथि प्रकाश पार्दैै इन्सेकले मानवअधिकार र सामाजिक न्यायको क्षेत्रमा लामो समय सम्म काम गर्दै आएको बताउनु भयो । मानव अधिकारको अभियान निरन्तर चलि रहने अभियान भएको हुँदा स्थानीय समुदायलाई सचेत बताउदै राज्यका हरेक निकायलाई जवाफदेही बनाउनकोलागि विभिन्न गाउँपालिका तथा नगरपालिकामा संगठित गर्दै मानव अधिकार सुनिश्चित गराउन यो तालिमको आयोजना गरिएको बताउनु भयो ।
मानव अधिकार समूह कपिलवस्तुका अध्यक्ष पुष्पा रेग्मीले महिला बालबालिकाको क्षेत्रमा विगत देखि नै निरन्तर काम गर्दै आएको हुँदा यस तालिमले थप उर्जा मिल्लने बतााउनु भयो ।
मानव अधिकार समुह मायादेवीका सयोजक सतिष कुमार पाण्डयले ग्रामिण भेगमा अहिले पनि मानव अधिकारको बारेमा अनविज्ञ रहेको हुदा नागरिकहरुले आफ्नो अधिकार केहो भन्ने बारेमा आवाज उठाउन नसेको हुदा नागरिकको हक अधिकारकोलागि मानव अधिकार समुह गठन गरि मानव अधिकारको अभियान संचालन गरिएको बताउनु भयो ।
तालिममा न्यायिक समितिका पदाधिकारहरु मोहनलाल शर्मा र रामगोपाल यादव, स्वास्थ्य शाखा प्रमुख उमेश गुप्ता, महिला बालबालिका तथा समाज कल्याण उपशाखा प्रमुख सरोजा चौधरी , मानव अधिकार समुहका पदाधिकारी, गैसस महासंघका अध्यक्ष प्रविण कुमार श्रीवास्तव, मानव अधिकार समुह वाणगंगाका पुर्व संयोजक इन्दीरा पन्थ लगायत विभिन्न संघसस्थाका प्रतिनिधि, पत्रकारहरुको सहभागीता रहेको थियो ।
दुई दिन सम्म संचालित तालिममा इन्सेक अभियान र मानव अधिकार, आर्थिक, सामाजिक, सांस्कृतिक अधिकार र उपभोक्ता अधिकार, मानव अधिकार मौलिकहक र न्यायिक समितिको काम कर्तव्य अधिकार, लैगिंक हिंसा र यसको कानुनी प्रावधान वर्तमान अवस्था , नगरपालिकामा शिक्षा, स्वास्थ्य, बातावरण र लैगिक हिंसा विरुद्ध बनेका ऐन, मानव अधिकार समुहको आचारसहिंताको विषयमा सहजीकरण गरिने इन्सेक जिल्ला प्रतिनिधी पार्वती आचार्यले बताउनु भयो ।
