कपिलवस्तु
कपिलवस्तुको कपिलवस्तु नगरपालिका वडा नं. ११ बनगाई स्थित दिनवन्धु एकिकृत कृषि फर्मले उपआयोजना सम्पन्न पश्चात सार्वजनिक सुनुवाई सम्पन्न गरेको छ । दिनवन्धु एकिकृत कृषि फर्म र नेपाल सरकार कृषि तथा पशुपंक्षी विकास मन्त्रालय नेपाल लाईभस्टक सेक्टर ईनोभेसन आयोजना बुटवल बिचको साझेदारीमा पुरक अनुदान सहयोगमा स्वच्छ दुध उत्पादनका लागि व्यवसायीक गाई भैंसी पालन उप आयोजना अन्तर्गत उप आयोजना सम्पन्न पश्चात सरोकारवालाहरुसंग सार्वजनिक सुनुवाई गरिएको हो ।
सो उप आयोजनामा ४४ लाख ९६ हजार अन्तर्गत ३ सय ९४ मध्ये २२ लाख ४६ हजार ६ सय ९७ अनुदान प्राप्त हुने त्यसमध्ये बैंक वित्तिय संस्थाको ३० प्रतिशत नियम अनुसार १३ लाख ४८ हजार १८ र अनुदान ग्राही संस्थाको २० प्रतिशत लगानी अनुसार ८ लाख ९८ हजार ६ सय ७९ को सम्झौता अनुसार उप आयोजना अगाडि बढेको थियो ।
जस मध्ये जम्मा पुंजीगत लागत २१ लाख ९७ हजार ४४, व्यवस्थापन लागत ४८ हजार, सार्वजनिक सुनुवाई तथा पारदर्शितामा २५ हजार, श्रम तथा प्रविधि लागत ३३ हजार गरि उप आयोजना सम्पन्न हुने चरणमा रहेको छ ।
दिनवन्धु एकिकृत कृषि फर्मका सञ्चालक हरि प्रसाद पौडेलले स्वच्छ दुध उत्पादन गर्ने उद्देश्यले सो उप आयोजनासंग समन्वय गरि काम गर्दा थप हौसला बढेको बताउनुभयो । उहाँले उप आयोजना सफल पार्नका लागि सहयोग गर्ने सम्पुर्णलाई धन्यवाद व्यक्त गर्नुभयो । सहभागीहरुको जिज्ञासाको जवाफ दिंदै पौडेलले उप आयोजना सम्झौता पछिका सबै क्रियाकलापहरुको बारेमा स्पष्ट पार्नुभएको थियो ।
कार्यक्रमका प्रमुख अतिथि कपिलवस्तु नगरपालिका वडा नं. ११ का वडाध्यक्ष राम गोपाल यादवले एकिकृत कृषि फर्मले उत्कृष्ट कार्य गरेको बताउदै वडाबाट सक्दो सहयोग गर्ने प्रतिवद्धता व्यक्त गर्नुभयो ।
त्यस्तै साना किसान कृषि सहकारी संस्था निग्लिहवाका प्रबन्धक बसन्त मुराउले यो कृषि फर्मले यो क्षेत्रमा धेरै दुध उत्पादन गर्न सफल भएको बताउदै सहकारीको दुग्ध संकलन केन्द्रले सोहि दुध खरिद गरिरहेको बताउनुभयो । उहाँले देशको अर्थतन्त्र उकास्नका लागि कृषि तथा पशुपालन नै अन्तिम विकल्प रहेकाले त्यस्ता कृषकहरुलाई सरकारले पनि हौसाल पुग्ने खालका योजनाहरु बनाउनुपर्नेमा जोड दिनुभयो ।
दिनवन्धु एकिकृत कृषि फर्मका सञ्चालक हरि पौडेलको अध्यक्षता, कपिलवस्तु नगरपालिका वडा नं. ३ का वडाध्यक्ष राम गोपाल यादवको प्रमुख आतिथ्यता, वडा सदस्य पुण्य प्रसाद कुर्मी, पशु शाखा प्रमुख केशव प्रसाद हरिजन, पशु प्राविधिक भोजराज पाण्डे, वडा सचिव सत्य गिरी, साना किसान कृषि सहकारी संस्था निग्लिहवाका प्रबन्धक बसन्त मुराउ, पत्रकार हरि आचार्य, प्रयास पोख्रेल लगायत ४० जनाको उपस्थितीमा सार्वजनिक सुनुवाई कार्यक्रम सम्पन्न भएको हो ।
