हरि आचार्य, कपिलवस्तु
लुम्बिनी प्रदेशका सांसद गिरधारीलाल न्यौपानेले स्वदेशमै स्वरोजगार रोजगार सृजना गर्नका लागि जनप्रतिनिधि लाग्न आवश्यक रहेको बताउनुभएको छ । शैक्षिक क्षेत्रमा प्रदेशमै उत्कृष्ट ब्राईट लुम्बिनी ईन्टरनेशनल एजुकेशन (लुम्बिनी लर्निङ्ग सेन्टर) को १० औं बार्षिक उत्सवको अवसरमा ‘रक्तदान’ तथा शुभकामना आदान प्रदान कार्यक्रममा बोल्दै उहाँले यस्तो बताउनुभएको हो ।
कार्यक्रमका प्रमुख अतिथि समेत रहनुभएका सांसद न्यौपानेले स्वदेशी उत्पादन र सीपको प्रवद्र्धन गर्दै रोजगारीमा जोड्नका लागि आफ्नो पहल सदैव रहेको भन्दै युवा रोजगारको क्षेत्रमा सदैव दृढ रहेको बताउनुभयो । नेकपा (एमाले) केन्द्रिय सदस्य एवम् कृषि तथा पशुपंक्षी विभाग प्रमुख समेत रहनुभएका सांसद न्यौपानेले बाध्यताका साथ वैदेशिक रोजगारका लागि बाहिर जान परेको तितो यथार्थलाई दर्शाउदै विदेशमा सिकेको सीप र आम्दानीलाई स्वदेशमै सदुपयोग गर्नुपर्नेमा जोड दिनुभयो ।
उहाँले ब्राईट लुम्बिनी ईन्टरनेशनल एजुकेशन १० औं बर्षमा प्रवेश गरेकोमा शुभकामना व्यक्त गर्दै संस्थाका सफलताको कामना व्यक्त गर्दै संस्थाको कार्य प्रति प्रशंसा गर्नुभयो । सांसद न्यौपानेले शैक्षिक क्रियाकलापसंगै विद्यार्थीहरुको सीप विकासलाई पनि संस्थाले ध्यान दिनुपर्नेमा जोड दिनुभयो । उहाँले ब्राईट लुम्बिनी ईन्टरनेशनल एजुकेशनले दक्ष एवम् अनुभवी जनशक्ति उत्पादन गर्दै आएको र स्वदेशमै स्वरोजगारको सृजना गर्ने खालको प्रशिक्षण पनि दिन आवश्यक रहेको बताउनुभएको थियो ।
