लुदस, जितपुर ।
कपिलवस्तुमा आज मानव अधिकार एलाइन्सको २४ औं स्थापना दिवस मनाइएको छ । स्थापना दिवसको अवसरमा मानव अधिकार तथा शिक्षा अधिकार सम्बन्धि अन्र्तसंवाद कार्यक्रमको आयोजना गरिएको छ । कार्यक्रममा मानव अधिकार एलाइन्स केन्द्रिय लेखा आयोगका उपाध्यक्ष पोमनारायण पौडेलले मानव अधिकारको अवधारणा, सिद्धान्त, मुल्य मान्यता र शिक्षा अधिकार सम्बन्धि बिषयमा सहजीकरण गर्नु भएको छ ।
कार्यक्रममा मानव अधिकार एलाइन्स कपिलवस्तुका अध्यक्ष थानेश्वर अधिकारीले मानव अधिकार एलाइन्स कपिलवस्तुको स्थापना र गरेका कामहरुको बारेमा जानकारी गराउनु भएको थियो ।
कार्यक्रम एलाइन्स कपिलवस्तुमा अध्यक्ष थानेश्वर अधिकारीको अध्यक्षता मानव अधिकार एलाइन्स केन्द्रिय लेखा आयेगका उपाध्यक्ष पोमनारायण पौडेलको प्रमुख आतिथ्यतामा सम्पन्न कार्यक्रमको संचालन सचिव पार्वती आचार्यले गर्नु भएको थियो ।
कार्यक्रममा ब्राइट लुम्बिनी इन्टरनेशनल एजुकेशनका प्रवन्धक निर्देशक अशिम कंडेल क्षेत्री, पत्रकार हरि आचार्य, भाषा प्रशिक्षक कमल भट्टराई र महेश आचार्यको उपस्थिती रहेको थियो ।
प्रत्येक नागरिकहरुले पाउनुपर्ने मानव अधिकार सुनिश्चित हुनुपर्नेमा सहभागीहरुले जोड दिएका थिए ।
