हरि आचार्य, कपिलवस्तु
प्रेस चौतारी नेपालको २६ औं स्थापना दिवसको अवसरमा प्रेस चौतारी नेपाल बाणगंगा नगर समितिले आयोजना गरेको कुर्सी दौड प्रतियोगितामा सरिता थारु प्रथम भएकी छन् । नगर समितिले बाणगंगगा नगरपालिका वडा नं. ७ को खारखानीमा आयोजित महिला पत्रकारका लागि कुर्सी दौड प्रतियोगिताको उद्घाटन शिवराज नगरपालिकाका नगर उप प्रमुख शिव कुमारी थारुले उद्घाटन गर्नुभएको हो ।
प्रतियोगितामा जिल्ला शाखा कपिलवस्तुका सदस्य थारु प्रथम भएकी हुन् । त्यस्तै नगर समिति सचिव सिता बेल्बासे द्धितीय तथा नगर समिति सदस्य गिता थापा तृतीय भएकी हुन् ।
प्रथम, द्धितीय तथा तृतीयलाई पुरस्कार समेत वितरण गरिएको छ । खेलमा नियम स्पष्ट पार्दै खेलको सहजिकरण जिल्ला शाखाका उप सचिव कुलराज भुसाल, सदस्य रामु पौडेल तथा सुर्य चुंदालीले गर्नुभएको थियो ।
प्रकाशित : २०८० माघ २२, सोमबार २०:१५
