पश्चिम नवलपरासीमा सर्पको टोकाइबाट नाबालकको ज्यान गएको छ । सुनवल नगरपालिका–३ कीर्तिपुर बस्ने यमबहादुर नेपालीको ४ वर्षीय छोरा सामुल नेपालीको विषालु सर्पको टोकाइबाट मृत्यु भएको प्रहरीले जनाएको छ ।
जिल्ला प्रहरी कार्यालय पश्चिम नवलपरासीका प्रहरी नायव उपरीक्षक एवं सूचना अधिकारी रेशम बोहराका अनुसार गएराति आफ्नै घरमा खेलिरहेको अवस्थामा बालकलाई विषालु गोमन सर्पले टोकेको हो ।
सर्पको टोकाइबाट गम्भीर घाइते सामुलको लुम्बिनी प्रादेशिक अस्पताल बुटवलमा उपचारको क्रममा बिहीबार ९आज० बिहान ज्यान गएको प्रहरीले जनाएको छ ।
प्रकाशित : २०८१ श्रावण १०, बिहीबार १५:०६
