लुदस, कपिलवस्तु
हिन्दु नारीहरुको महान पर्व हरितालिका तीजको अवसरमा लोक तथा दोहोरी गायक शिब खनालले नयाँ तीज भाका ‘हाई मेरो मायालु ’ बजारमा ल्याएका छन् । पछिल्लो समय तीज गीत झड्किलो र मौलिकतानै मासिने खालको आएका भन्दै आलोचना भैरहेका बेला दर्शक तथा श्रोतालाई फरक स्वाद दिने गरी गीत ल्याएको गायक परियारले दावी गरे ।
मौलिक भाका तथा शब्द संकलनसहित तयार पारिएको गीत तथा म्युजिक भिडियोको शुक्रबार एक समारोहका बीच बुटवलमा विमोचन गरिएको हो ।
नेपाली मौतिकता र परम्परालाई काम राख्दै शिव हमालको लय तथा शब्दमा रहेका गीतले दर्शक श्रोताको माया पाउने गायक परियारले विश्वास व्यक्त गरका छन् । राष्ट्रिय लोक तथा दोहोरी गीत प्रतिष्ठान लुम्बिनी प्रदेशका अध्यक्ष गायक दीपु मगरले उक्त गीतको म्युजिक भिडियो विमोचन गर्दै सफलताको शुभकामना व्यक्त गरे । कार्यक्रमको सञ्चालन चर्चित उद्घोषक सुमन श्रेष्ठले गरेका थिए ।
गीतका लागि नारायण विपी परियार शिब खनाल, विष्णु श्रीपाली, कल्पना परियार तथा सोनी सुनारले समेत स्वरमा साथ दिएका छन् । स्मृती तिमिल्सिना ‘गुरुमा’को निर्देशन तथा कोरियोग्राममा तयार पारिएको म्युजिक भिडियोका लागि कलाकार रायन बस्याल र सोनी सुनारको अभिनय रहेको छ । नविन घर्ती मगरको सम्पादन रहेको भिडियोको छायाङ्कन अजय रेग्मीले गरेका छन् । म्युजिक भिडियो गायिका विष्णु श्रीपालीको यूटुव च्यानलमा हेर्न तथा सुन्न सकिन्छ ।
