लुदस, कपिलबस्तु
नेपाल अर्बुद रोग निवारण संस्था कपिलबस्तु शाखाको दोस्रो साधारण सभा सम्पन्न भएको छ । उक्त संस्थाको साधारण सभा मधेश मानव अधिकार गृह (माहुरी होम) तौलिहवाको सभाहलमा सम्पन्न भएको हो । संस्थाको विहिवार सम्पन्न साधारण सभालाई समाजसेवी रविन्द्रनाथ ठाकुरले मैनबत्ती वालेर कार्यक्रम उद्घघाटन गरेका थिए ।
उक्त कार्यक्रममा सम्बोधन गर्दै प्रमुख अतिथि ठाकुरले अर्वुद रोग समुदायका सबै उमेर समूहमा लाग्न सक्ने भएकाले पनी स्वस्थ जीवनशैली अपनाउनु पर्ने बताउनु भयो । साथै संस्थाले जनमानसमा अर्वुद रोग प्रतिको डर हटाउन र रोगको रोकथाममा ठूलो योगदान पु¥याएको बताउनुभयो ।
सो अवसरमा संघका सचिव इन्दिरा देवकोटाले प्रतिबेदन प्रस्तुत गर्नुका साथै संस्थालाई जग्गा उपलब्ध गराएकोमा जग्गादाता भगवानदास अग्रहरी संस्थाको तर्फबाट दिएकी थिइन् ।
सघका अध्यक्ष राजेश ज्ञवालीको अध्यक्षता, इन्दिरा देवकोटाको संचालनमा भएको कार्यक्रममा मानव अधिकार गृहका अध्यक्ष प्रेम जैसवाल, समाजसेवी राजकुमार श्रीवास्तव लगायतले शुभकामना मन्तब्य दिएका थिए ।
