हरि आचार्य, कपिलवस्तु
नेपाल मगर विद्यार्थी संघ जिल्ला समिति कपिलवस्तुको ७ औं जिल्ला अधिवेशन सम्पन्न भएको छ । ‘सम्पुर्ण मगर विद्यार्थी एक हौ शैक्षिक जागरण फैलाउ’ भन्ने मुल नाराका मगर समाज बौद्ध भवन बोर्डगाउँमा उक्त अधिवेशन सम्पन्न भएको हो ।
अधिवेशनबाट १७ सदस्यीय समिति सर्बसम्मत रुपमा चयन गरिएको छ । जसको अध्यक्षमा थमन रास्कोटी मगर, उपाध्यक्षमा निर्मल रास्कोटी मगर, सचिवमा निशा आले मगर, सह–सचिवमा दिलिप गाहा मगर, कोषाध्यक्षमा चन्दा शिरीष मगर सदस्यहरुमा रुपा राना, सुनिल रेस्मी, सुसिला पचभैया, मिना रास्कोटी, सगुन राना, मोनिका सारु, बिसाल झेडी, सन्तोष राना, कल्पना थापा, मुना थापा र पुजन झेंडी सर्वसम्मत रुपमा चयन हुनुभएको छ ।
अधिवेशनका लागि अर्जुन रास्कोटी मगरको संयोजकत्वमा तुल बहादुर सुर्यबन्सी मगर र बिनोद राना सदस्य रहेको निर्वाचन मण्डल रहेको थियो ।
संघका जिल्ला अध्यक्ष राजेस थापा मगरको अध्यक्षता, नेपाल मगर विद्यार्थी सँघ केन्द्रिय सदस्य कमल थापा मगरको प्रमुख आतिथ्यता, जिल्ला सस्थापक अध्यक्ष आर्जुन रास्कोटी मगरको बिशिस्ट आतिथ्यता, पुर्ब अध्यक्ष तुल बाहादुर सुर्यबंसी मगर, नेपाल मगर विद्यार्थी सँघ रुपन्देही सचिव टेक राना मगर, नेपाल मगर विद्यार्थीसँघ जिल्ला सल्लाहकार बिनोद राना मगर लगायतको आतिथ्यता रहेको कार्यक्रममा सँघका जिल्ला सदस्य निसा आले मगरको स्वागत मन्तब्य रहेको थियो ।
नवनिर्वाचित अध्यक्ष थमन रास्कोटी मगरले अध्यक्षमा सर्वसम्मत रुपमा चयन गर्नुहुने सम्पुर्णमा आभार व्यक्त गर्दै संघलाई अझ सशक्त रुपमा अगाडि बढाउने बताउनुभयो ।
साथै कार्यक्रममा ११ औं डान्स आईडल बिजेता गृस्मा गाहा मगर, दोस्रो परिमा सारु मगर, १३ औं डान्स आईडल तेस्रो पबित्रा छाहारी मगर लाई सम्मान पनि गरिएको छ ।
