हरि आचार्य, कपिलवस्तु
होटल तथा पर्यटन व्यवसायी संघ कपिलवस्तुको तेस्रो बार्षिक साधारण सभा यहि चैत्र २३ गते शनिवार हुने भएको छ । होटल तथा पर्यटन व्यवसायीहरुको छाता संस्था होटल तथा पर्यटन व्यवसायी संघ कपिलवस्तुको तेस्रो बार्षिक साधारण सभा तथा नव बर्ष २०८२ को शुभकामना आदान प्रदान कार्यक्रम चैत्र २३ गते शनिवार अर्घाखाँचीको पर्यटकीय स्थल नरपानीमा आयोजना गरिएको संघका जिल्ला अध्यक्ष रबिन्द्र पौडेलले लुम्बिनी दर्पणलाई जानकारी दिनुभएको छ ।
कपिलवस्तुसंगै अर्घाखाँचीका पर्यटकीय स्थलको पनि प्रवद्र्धन गर्ने उद्देश्यले अर्घाखाँचीको नरपानीमा उक्त कार्यक्रम आयोजना गरिएको हो । ‘युवा स्वरोजगार गुणस्तरिय सेवा हाम्रो पहिचान, व्यवसायी समृद्धि, पर्यटन प्रवद्र्धन हाम्रो अभियान’ भन्ने मुल नाराका साथ व्यवसायीहको हक हितका लागि निरन्तर लागिरहेको उक्त संघले विभिन्न कार्यहरु गर्दै आईरहेको छ ।
उक्त तेस्रो बार्षिक साधारण सभा तथा शुभकामना आदान प्रदान कार्यक्रममा उपस्थितीका लागि सम्पुर्ण होटल तथा पर्यटन व्यवसायीहरुलाई संघका अध्यक्ष पौडेलले अनुरोध गर्नुभएको छ । अहिले अध्यक्ष, सचिव, कोषाध्यक्ष लगायत सांगठनिक प्रगति प्रतिवेदन तयार गर्ने कार्य भईरहेको होटल तथा पर्यटन व्यवसायी संघ कपिलवस्तुले जनाएको छ ।
