हरि आचार्य, कपिलवस्तु
होटल तथा पर्यटन व्यवसायी संघ कपिलवस्तुको आयोजनामा १४ दिने कफि वारिस्ता तालिम प्रभावकारी बनेको छ । बाणगंगा नगरपालिका वडा नं. १० को आर्थिक सहयोग तथा संघको आयोजनाामा महिला तथा पुरुषहरुका लागि सीप विकास अन्तर्गत १४ दिने ‘कफि वारिस्ता तालिम’ को समापन कार्यक्रममा सहभागीहरुले तालिम प्रभावकारी भएको बताएका हुन् ।
सहभागीको तर्फबाट बोल्दै स्मिती राणा र रिश्चल गुफाजुले तालिम निकै प्रभावकारी रहेको र आगामी दिनमा यस्ता सीपमुलक तालिमको आवश्यकता रहेको बताएका हुन् ।
समापन कार्यक्रममा बाणगंगा नगरपालिका वडा नं. १० का वडाध्यक्ष यम प्रसाद पोख्रेलले स्थानीय सरकारले नागरिकको सीप विकास गरि स्वरोजगार र रोजगारको अवसरहरुको सृजना गर्ने कार्य गरिरहेको बताउनुभयो । कार्यक्रमका प्रमुख अतिथि समेत रहनुभएका वडाध्यक्ष पोख्रेलले तालिम तालिमका लागि मात्र नभई परिणाममुखी हुनुपर्ने बताउदै होटल तथा पर्यटन व्यवसायी संघ कपिलवस्तुले संचालन गरेका तालिम प्रभावकारी हुंदै आएको बताउनुभयो ।
कार्यक्रमका विशिष्ठ अतिथि बाणगंगा नगरपालिकाका महिला, वालवालिका तथा ज्येष्ठ नागरिक शाखा प्रमुख शुसीला पन्थले स्थानीय सरकारले नागरिकको सीप विकास गरि स्वरोजगार र रोजगारको अवसरहरुको सृजना गर्ने कार्य गरिरहेको बताउनुभयो । शाखा प्रमुख पन्थले तालिम तालिमका लागि मात्र नभई परिणाममुखी हुनुपर्ने बताउदै होटल तथा पर्यटन व्यवसायी संघ कपिलवस्तुले संचालन गरेका तालिम प्रभावकारी हुंदै आएको बताउनुभयो ।
होटल तथा पर्यटन व्यवसायी संघ कपिलवस्तुका अध्यक्ष रबिन्द्र पौडेलले कफि वारिस्ता तालिमले स्वदेश मात्र नभई वैदेशिक रोजगारीमा जानेलाई पनि आयआर्जनको माध्यम बनिरहेको बताउनुभयो । उहाँले संघले विभिन्न खालका तालिमहरुको संचालन गरि नागरिक उद्यमशिल, रोजगार तथा स्वरोजगार बनेको तथ्यांक समेत रहेको बताउनुभयो ।
तालिमको प्रमुख प्रशिक्षकको रुपमा संजय घिमिरे र मिलन घिमिरे रहनुभएको थियो । सहभागी र प्रशिक्षकलाई प्रमाण पत्र समेत प्रदान गरिएको छ ।
संघका अध्यक्ष रबिन्द्र पौडेलको अध्यक्षता, बरिष्ठ उपाध्यक्ष झिमलाल सापकोटाको स्वागत मन्तब्य तथा पत्रकार हरि आचार्यको संचालन रहेको समापन कार्यक्रममा संघका पदाधिकारी, सदस्य तथा सहभागीहरुको उपस्थिती रहेको थियो ।
