लुदस, कपिलवस्तु
जनता माध्यमिक विद्यालय, बाणगंगा–२ पिपराका का ९ जना विद्यार्थीहरूले यस वर्षको एसईइमा उत्कृष्ट नतिजा हासिल गर्दै ४.०० जिपिए ल्याएको विद्यालय प्रशासनले दाबी गरेको छ ।
विद्यालयले यस सफलतालाई ऐतिहासिक उपलब्धिका रूपमा लिएको विद्यालयका प्रधानाध्यापक रमेश पन्थीले बताए । पन्थीले शिक्षकगण, अभिभावक र स्थानीय बासिन्दाहरूले विद्यार्थीहरूको अथक मेहनतप्रति हार्दिक धन्यवाद व्यक्त गरे ।
पन्थीले यी नतिजाहरूले हाम्रो विद्यालयमा गुणस्तरीय शिक्षा सम्भव छ भन्ने कुरालाई प्रमाणित गरेको बताउँदै यो केवल विद्यार्थीहरूको मेहनत नभई शिक्षकको समर्पण र अभिभावकको साथको परिणाम भएको बताए ।
जनता मा.वि.कपिलवस्तुको पहिलो अंग्रेजी माध्यम अध्यापन गराउने सामुदायिक विद्यालय भएको अंग्रेजी माध्यमका संयोजक उज्ज्वल अधिकारीले बताउँदै नतिजा स्वभाविक भएको दाबी गरे ।

जनताबाट ४ जिपिए ल्याउने विद्यार्थीहरुको नाम

प्रविना बस्याल

विविका भुसाल

त्रिसिला थारु

प्रकृति बस्याल

अनुष्का खत्री

विश्वास पौडेल

विवेक खनाल

दिक्षा पौडेल

प्रज्ज्वल अधिकारी