हरि आचार्य, कपिलवस्तु
कपिलवस्तुको बाणगंगा ११ ओदारी स्थित स्काईलार्क ईङ्गलीश बोर्डिङ्ग स्कुलले माध्यमिक शिक्षा परीक्षा एसईई २०८१ मा उल्लेखनीय सफलता हासिल गरेको छ । परीक्षा सहभागिता जनाएका २२ जना सम्पूर्ण विद्यार्थी उत्तीर्ण भएका छन्, जसमा ३.८१ जिपिए सहित जावेद खाँनले सर्वोत्कृष्ट अंक प्राप्त गरि विद्यालयको शैक्षिक यात्रामा महत्वपुर्ण सफलता प्राप्त गरेका छन् ।
त्यसका साथै ९ जना विद्यार्थीले ३.६ देखि ४.०० जिपिए, ११ जना विद्यार्थीले ३.२ देखि ३.६ जिपिए र १ जना विद्यार्थीले २.८३ जिपिए प्राप्त गरेको विद्यालयका प्राचार्य ताेलाकान्त डुम्रेले जानकारी दिनुभयो । उतीर्ण सम्पुर्ण विद्यार्थीहरुलाई खादा, माला सम्मान पत्र सहित सम्मान समेत गरिएको छ ।
विद्यालयका प्राचार्य तोलाकान्त डुम्रेले उक्त उपलब्धिलाई ‘शिक्षा, अनुशासन र सामूहिक प्रतिबद्धताको उत्कृष्ट फल’ भनी उल्लेख गर्दै सम्पूर्ण अभिभावक, शिक्षक, कर्मचारी तथा शुभेच्छुकहरूप्रति हार्दिक आभार व्यक्त गर्नुभएको छ । प्राचार्य डुम्रेले विद्यार्थीहरुको यो उपलब्धिले शिक्षा क्षेत्रमा दीर्घकालीन संकल्प र समर्पणलाई थप उचाइ दिएको बताउनुभयो ।
