हरि आचार्य, कपिलवस्तु
कपिलवस्तुको बाणगंगा नगरपालिका १ नम्बर जितपुरमा रहेको एस.एम.एस.एकेडेमी एण्ड सर्भिसेजले असार १५ (धान दिवस) तथा दहि चिउरा खाने दिन भव्य रुपमा मनाएको छ । संस्थाको कार्यालयमा एक कार्यक्रमको आयोजना गरि सम्पुर्ण शिक्षक विद्यार्थीहरु बिच दहि चिउरा ग्रहणसंगै शुभकामना आदान प्रदान गरिएको हो ।
संस्थाका प्रमुख कार्यकारी अधिकृत (सिईयो) अजय पाण्डेले असार १५ को अवसरमा सम्पुर्णमा शुभकामना व्यक्त गर्दै शैक्षिक गुणस्तरमा एस.एम.एस.एकेडेमी एण्ड सर्भिसेजले महत्वपुर्ण भुमिका खेल्ने बताउनुभयो । उहाँले यस संस्थाले व्यवसाय मात्र नभई विद्यार्थीहरुको भविष्य उज्जवल बनाउनुपर्नेमा जोड दिएर अगाडि बढेको बताउनुभयो ।
त्यस्तै संस्थाका अध्यक्ष सागर बन्जाडे, कार्यकारी अधिकृत मधु्सुदन गन्धर्व, कार्यकारी निर्देशक शेषकान्त मरासिनीले शुभकामना व्यक्त गर्दै संस्थामा कोरीयन, जापनीज भषा, सबै तहका ट्युसन कक्षा, वैदेशिक रोजगार, श्रम र कर सम्बन्धि सम्पुर्ण प्रक्रिया तथा परामर्श जस्ता सेवा प्रदान गरिएको बताउनुभयो ।
