हरि आचार्य, कपिलवस्तु
कपिलवस्तुको बाणगंगा ११ बरवामा अवस्थित एभरग्रीन ङ्ग्रेजी माध्यमिक विद्यालयले माध्यमिक शिक्षा परीक्षा एसईई २०८१ मा उत्कृष्ट नतिजा सहित उत्तीर्ण विद्यार्थीलाई हार्दिक ज्ञापन बधाई तथा सम्मान गरेको छ । परीक्षामा सहभागिता जनाएका १४ जना विद्यार्थीहरु उत्कृष्ट नतिजा सहित उत्तीर्ण भएका छन् ।
परीक्षामा सहभागी १४ जनामध्ये ४ जना विद्यार्थीले ए प्लस, ६ जना विद्यार्थीले ए र ४ जना विद्यार्थीले बि प्लस ग्रेड प्राप्त गरेका छन् । उतीर्ण सम्पुर्ण विद्यार्थीहरु तथा अभिभावकलाई खादा, माला सम्मान पत्र सहित सम्मानित गरिएको छ ।
कार्यक्रमका प्रमुख अतिथि बाणगंगा नगरपालिका शिक्षा, युवा तथा वालवालिका शाखा प्रमुख खिम बहादुर जिसीले विद्यालयले ल्याएको उत्कृष्ट नतिजाप्रति खुसी व्यक्त गर्दै नगरको शिक्षा क्षेत्रमा यो एक ऐतिहासिक फड्को भएको बताउनुभयो । शाखा प्रमुख जिसीले उतीर्ण विद्यार्थीहरुलाई बधाई ज्ञापन गर्दै उत्कृष्ट नतिजा प्रति विद्यालयलाई नगरको तर्फबाट धन्यवाद व्यक्त गर्नुभयो ।
त्यस्तै विशिष्ठ अतिथि बाणगंगा नगरपालिका वडा नं. ११ का वडाध्यक्ष नरेन्द्र प्रसाद चौधरीले बाणगंगाको शैक्षिक अवस्था क्रमशः सुधार हुंदै गएको बताउनुभयो । चौधरीले आफुहरुले विगत देखिनै शिक्षा क्षेत्रलाई प्राथमिकता दिएर प्रभावकारी योजना बनाएकाले शैक्षिक अवस्था सुधार हुंदै गएको र नतिजा पनि राम्रो आएको बताउनुभयो । उहाँले वडा नं. ११ मा पहिलेको तुलनमामा शिक्षा क्षेत्रमा सुधार भएको बताउनुभयो ।
विद्यालयका प्राचार्य नवीन मरासिनीले विद्यार्थीको यो उपलब्धिले विद्यालयको गरिमा उच्च बनाएको र शिक्षा क्षेत्रलाई झन् अब्बलता प्रदान गरेको बताउनुभयो । उहाँले विद्यार्थीहरुले आगामी भविष्यका लागि बल्ल पाइला चाल्न सुरु गरेकोले उच्च शिक्षा विश्वमा बिक्न सक्ने हुनुपर्नेमा जोड दिदै सम्पूर्ण अभिभावक, शिक्षक, कर्मचारी तथा शुभेच्छुकहरूप्रति हार्दिक आभार व्यक्त गर्नु भयो ।
यस्तै शैक्षिक व्यक्तित्व मित्रलाल शर्माले एभरग्रीन विद्यालय शैक्षिक गुणस्तरमा अगाडि रहेको दावि गर्दै सबै निकाय एक भएर लाग्नुपर्ने बताउनुभयो । शर्माले विद्यालयमा भौतिक संरचनामा सुधार गर्नुपर्ने बताउदै शिक्षाको गुणस्तरमा कुनै कमी नभएको बताउनुभयो ।
कार्यक्रममा सुर्योदय माविका प्राचार्य टिकाराम घिमिरे, पुर्व प्रधानाध्यापक नानुमाया खनाल लगायतले शुभकामना मन्तब्य दिनुभएको थियो ।
यस्तै कार्यक्रममा विद्यार्थीहरुले अहोरात्र खटेर हाम्रो भविष्य निर्माणमा उल्लेख्य योगदान दिनुभएकोमा शिक्षक शिक्षिका लगायत विद्यालय परिवारलाई हार्दिक धन्यवाद दिएका थिए ।
विद्यालय व्यवस्थापन समितिका अध्यक्ष जगन्नाथ मरासिनीको अध्यक्षता, प्राचार्य नवीन मरासिनीको स्वागत मन्तब्य तथा शिक्षक भविश्वर मरासिनीको संचालनमा सम्पन्न कार्यक्रममा विद्यालय ब्यबस्थापन समितिका पदाधिकारी, सदस्य, शिक्षक, विद्यार्थी लगायतको उपस्थिती रहेको थियो ।
