हरि आचार्य, कपिलवस्तु
होटल तथा पर्यटन व्यवसायी संघ कपिलवस्तुको चौथो बार्षिक साधारण सभा तथा दोस्रो अधिवेशन यहि कात्तिक २७ गते विहिवार हुने भएको छ । होटल तथा पर्यटन व्यवसायीहरुको छाता संस्था होटल तथा पर्यटन व्यवसायी संघ कपिलवस्तुको उक्त चौथो बार्षिक साधारण सभा तथा दोस्रो जिल्ला अधिवेशन बाणगंगाको पिस हिमालय रिसोर्टमा आयोजना गरिएको संघका जिल्ला अध्यक्ष रबिन्द्र पौडेलले लुम्बिनी दर्पणलाई जानकारी दिनुभएको छ ।
‘युवा स्वरोजगार गुणस्तरिय सेवा हाम्रो पहिचान, व्यवसायी समृद्धि, पर्यटन प्रवद्र्धन हाम्रो अभियान’ भन्ने मुल नाराका साथ व्यवसायीहको हक हितका लागि निरन्तर लागिरहेको उक्त संघले विभिन्न कार्यहरु गर्दै आईरहेको छ ।
कार्यक्रममा उपस्थितीका लागि सम्पुर्ण होटल तथा पर्यटन व्यवसायीहरुलाई संघका अध्यक्ष पौडेलले अनुरोध गर्नुभएको छ । अहिले अध्यक्ष, सचिव, कोषाध्यक्ष लगायत सांगठनिक प्रगति प्रतिवेदन तयार गर्ने कार्य भईरहेको होटल तथा पर्यटन व्यवसायी संघ कपिलवस्तुले जनाएको छ ।
