लुदस, कपिलवस्तु
राष्ट्रिय लोक तथा दोहोरी गीत प्रतिष्ठान नेपाल कपिलवस्तुको अध्यक्षमा शारदा खनाल चयन हुनुभएको छ । प्रतिष्ठानको छैंठौं जिल्ला अधिवेशनबाट खनालको अध्यक्षतामा नयाँ समिति सर्वसम्मत रुपमा चयन गरिएको हो । अध्यक्षमा चयन भएकी खनाल प्रतिष्ठानकी निवर्तमान महिला उपाध्यक्ष समेत हुनुहुन्छ ।
प्रतिष्ठानको प्रथम उपाध्यक्षमा दिपक भण्डारी, द्वितीय उपाध्यक्षमा सुमन पौडेल, महिला उपाध्यक्षमा वर्षा लम्साल, सचिवमा अशिम कडेंल, सह–सचिवमा विनोद रन्जन, कोषाध्यक्षमा मिसन भुसाल, सह–कोषाध्यक्षमा रिता खनाल, प्रवक्तामा हरि आचार्यले जिम्मेवारी पाएका छन् । यस्तै सदस्यहरुमा भक्तिराम घिमिरे, कृष्ण पाण्डे, बिनोद खनाल, शंकर प्रसाद न्यौपाने, डोल बिक्रम पल्ली, लिल बहादुर कुुँवर र नवराज न्यौपाने रहेका छन् ।
अध्यक्षको जिम्मेवारी पाएसंगै खनालले प्रतिष्ठानलाई संस्थागत रुपमा अगाडि बढाई जिल्लाका कलाकारको भावनालाई मध्यनजर गर्दै अगाडि बढाउने बताउनुभएको छ । अध्यक्ष खनालले अध्यक्षको जिम्मेवारी प्रदान गर्नुहुने केन्दीय समिती, प्रदेश समिति, संस्थापक तथा निवर्तमान जिल्ला समिति लगायत सम्पुर्ण साधारण सदस्यलाई आभार व्यक्त गर्नुभएको छ ।
प्रतिष्ठानका केन्द्रिय सचिव प्रचण्ड जिसी, केन्द्रिय सदस्य दिपक गरौजा, सीता राना, लुम्बिनी प्रदेश अध्यक्ष डिल्लीनारायण पाण्डे, प्रदेश बरिष्ठ उपाध्यक्ष नारायण थापा, रुपन्देही अध्यक्ष विजय सापकोटा, निवर्तमान अध्यक्ष दिपक कार्की, गुल्मी जिल्ला अध्यक्ष शिलु भट्राई, प्रतिष्ठान कपिलवस्तुका संस्थापक अध्यक्ष पुर्ण चन्द्र परियार, निवर्तमान अध्यक्ष थानेश्वर अधिकारी लगायतले नवगठित प्रतिष्ठानलाई हार्दिक बधाई तथा सफल कार्यकालको शुभकामना व्यक्त गर्दै लोदोहोरी क्षेत्रका गायक, गायिका, सर्जक र शुभचिन्तक सम्पुर्णको भावना अनुसार काम गर्न सुझाव दिनुभएको थियो ।
