कपिलवस्तु २ वैशाख
नेपाल वाल संगठन कपिलवस्तु वालगृहमा रहेका २३ जना वालकहरुलाई जन्मदिनको अवसरमा सहयोग पुर्याइएको छ । राष्ट्रिय वुद्धदर्पण दैनिकका सम्पादक, पत्रकार महासंघ कपिलवस्तुका पुर्व उपाध्यक्ष पार्वती पाण्डेले आज अर्थात् वैशाख २ गते परेको आफ्नो जन्मदिनको अवसरका वाल गृहमा रहेका वालहरुलाई विहानको खाना खुवाउदै उनीहरु प्रति खुशी साट्नु भएको हो ।
उक्त अवसरका वाल गृहका अध्यक्ष गोपालमणी ज्ञवाली , पत्रकार महासंघका पुर्व अध्यक्ष भेषराज पाण्डे , श्याम प्रजापति ,श्याम सुवदी , वाल गृहका प्रमुख राम प्रसाद अर्यालले पाण्डेको कार्यप्रति सह्राना गर्दै अनाथको खुशीमा आफ्नो खुशी साट्नु असल समाजसेवाको उदाहरण रहेको बताउनु भयो ।
यस्ता कार्यले अनाथ वालकहरुलाई समाजलेनै अभिभावकत्व ग्रहण गरेको महसुस हुने सो अवसरमा चर्चा गरिएको थियो । गृहमा रोल्पा , हुम्ला , कपिलवस्तु लगायतका जिल्लाका आमा वावु कोहि पनि नभएका २३ अनाथ वालकहरु रहेका छन । वालकहरु कक्षा २ देखि १० सम्म अध्ययनरत रहेका छन ।
