हरि आचार्य, कपिलवस्तु
कपिलवस्तुको बाणगंगा नगरपालिका वडा नं. २ स्थित हाम्रो ज्योती महिला समुहको आयोजनामा ३ दिने आधारभुत उद्घोषण तथा क्षमता अभिवृद्धि तालिम सम्पन्न भएको छ । पंच आधारभुत विद्यालयको सभाहलमा सम्पन्न तालिममा समुहका सदस्यहरुको सक्रिय सहभागिता रहेको थियो भने ३ दिने तालिमको औपचारिक रुपमा समापन गरिएको समुहका अध्यक्ष पुनम राना झेंडीले जानकारी दिनुभएको छ ।
प्रशिक्षकको रुपमा पत्रकार हरि आचार्य र मिना राना रहनुभएको थियो । तालिममा सहभागी सम्पुर्णलाई प्रमाण पत्र समेत प्रदान गरिएको छ ।
प्रशिक्षार्थीहरु एलिना राना, शारदा पुन, ग्रीष्मा गाहा, भुगोल सोमै, मिना राना लगायतले मन्तब्य राख्दै सहभागीहरुले तालिम निकै प्रभावकारी रहेको बताउदै तालिममा सिकेका कुराहरुलाई व्यवहारमा लागु गर्ने बताउनुभयो । उहाँहरुले वडामा हुने विभिन्न तालिममा पनि सहभागी गराउन वडाध्यक्षलाई अनुरोध गर्नुभएको थियो ।
कार्यक्रमका प्रमुख अतिथि बाणगंगा नगरपालिका वडा नंं. २ का वडाध्यक्ष बिष्णु प्रसाद पौडेलले तालिमले महिलाहरुमा बोल्ने नेतृत्व विकास गरेको महशुस भएको बताउनुभयो । उहाँले यो समुहले गरेका विभिन्न कार्यक्रम प्रशंसनीय रहेको बताउँदै वडा कार्यालय समुहसंग समन्वय गर्दै अगाडि बढ्ने बताउनुभयो ।
समुहका अध्यक्ष पुनम राना झेंडीले तालिम सफल पार्न सहयोग गर्नुहुने सम्पपुर्णलाई धन्यवाद व्यक्त गर्दै आगामी दिनमा समुहले यस्ता कार्यक्रमलाई निरन्तरता दिने बताउनुभयो । उहाँले वडा तथा नगरपालिकामा रहेका महिला सीप विकास वा क्षमता विकासका कार्यक्रममा स्थानीय सरकारसं हाम्रो ज्योती महिला समुह समन्वय गर्दै अगाडि बढ्न चाहेको बताउनुभयो ।
जिल्ला समन्वय समिति सदस्य निशा परियार, समाजसेवी प्रदिप थापा, उत्तर पिपरा टोल विकास संस्था उपाध्यक्ष चुम बहादुर सारु, सचिव गोपाल पाण्डे लगातयको आतिथ्यता रहेको कार्यक्रम समुहका सदस्यहरु निर्मा सामैको स्वागत मन्तब्य तथा बिष्णु माया सोमैको सञ्चालनमा सम्पन्न भएको थियो ।
