हरि आचार्य, कपिलवस्तु
‘तिमीले हरेक दिन जन्मदिन जसरी बाँच्नुपर्छ’ प्यारिस हिल्टनको यो भनाइभन्दा विपरीत तरिकाले जन्मदिन मनाउने चलन बढ्दो छ हिजोआज हाम्रा सहरबजार र गाउँघरमा । आर्थिक रूपमा सम्पन्न परिवारले मात्र होइन, जन्म दिन सामान्य परिवारले पनि मनाउन थालेका छन् । बालबालिका, युवा र ज्येष्ठ नागरिकको पनि जन्म दिन मनाउने चलन छ । धेरैजसो बालबालिकालाई जन्म दिन मनाउन खुब रहर लाग्छ । उनीहरू त जन्म दिनमा छरछिमेक साथीहरूलाई चकलेट बाँड्छन् ।
तर एक युवाले आफ्नो जन्मोत्सव वाल गृहका वालवालिकाहरुसंग मनाएका छन् । लायन्स क्लव अफ कपिलवस्तुका उपाध्यक्ष लायन सागर घिमिरेले जन्म दिन कपिलवस्तु वाल गृहका बालबालिकासंग मनाएका हुन् । अन्य ठाउँमा खर्च गर्ने रकमले वाल गृहका बालबालिकाहरुको लागि खाद्यान्न सहयोग गरेका हुन् ।
जन्म दिनमा होटल तथा रेष्टुरेण्टमा फजुल खर्च गर्न भन्दा वाल गृहमा रहेका साहारा विहिन बालबालिकाहरुलाई सहयोग गर्न पाउँदा गर्व महशुस भएको बताए । उनले जन्मोत्सवको अवसरमा समाजमा सकारात्मक प्रभाव पार्ने खालका सामाजिक कार्य गर्न सम्पुर्णलाई आग्रह गरे ।
खाद्यान्न वितरण कार्यक्रममा ओम प्रकाश घिमिरेको अध्यक्षता, बालगृह प्रमुख राम प्रसाद अर्याल, बालगृह कर्मचारी श्याम गौतम, दिनेश बोगटी, कविता डङ्गोरीया, आई।पि।डि अन्जना थापा, उपाध्यक्ष नारायण पौडेल, कोषाध्यक्ष गिरीराज कंडेल, सह–सचिव दामोदर पन्थी, डाइरेक्टर युवराज पन्थ, राम प्रसाद भुसाल, तुलसीराम थारु, मदन अर्याल लगायतको उपस्थिती रहेको थियो ।
