हरि आचार्य, कपिलवस्तु
प्रेस चौतारी नेपाल जिल्ला शाखा कपिलवस्तुको पहिलो बैठक सम्पन्न भएको छ । विभिन्न महत्वपुर्ण निर्णयहरु गर्दै जिल्लाको शिवराज नगरपालिका ५ चन्द्रौटामा पहिलो बैठक सम्पन्न भएको हो । बैठकमा गत माघ १६ गते सम्पन्न जिल्लको ८ औं अधिवेशन लगायत अधिवेशन पछि अहिले सम्मको रिपोटिङ गर्नुका साथै अधिवेशन सफल पार्ने निवर्तमान कार्यसमिति तथा सहयोग गर्ने सम्पुर्णमा धन्यवाद व्यक्त गरेको छ ।
बैठकले नेकपा (एमाले) राष्ट्रिय रुपमा ल्याएको जरा अभियान अन्तर्गत कपिलवस्तुमा उक्त अभियान सफल पार्नका लागि जिल्लाका सबै पालिकामा समाचारका लागि जिम्मेवारी बाँडफाँड समेत गरेको छ । त्यस्तै बैठकले संगठनका आगामी कार्ययोजना निर्माणका लागि अध्यक्ष बाबुराम रायमाझीको संयोजकत्वमा कार्यदल गठन गरेको छ ।
बैठकले प्रेस चौतारी नेपाल कपिलवस्तुका सदस्य दुर्गा प्रसाद काफ्लेको निधन प्रति शोक प्रस्ताव पारित गर्नुका साथै शोकाकुल परिवारजन प्रति समवेदन प्रकट गरिएको छ । साथै उहाँको परिवारलाई आर्थिक सहयोग गर्ने निर्णय गर्नुका साथै चौतारीको टोलीले उहाँको निवासमै गई रु २० हजार आर्थिक सहयोग गरेको छ ।
बैठकमा सम्बोधन गर्दै प्रमुख अतिथि तथा नेकपा (एमाले) जिल्ला कमिटी कपिलवस्तुका सचिव सिबि गहतराजले पार्टीलाई बलियो र मजबुत बनाउन प्रेस चौतारीको अहम भुमिका रहेको बताउनुभयो । उहाँले संगठनलाई सक्रिय बनाउनका लागि पार्टीले सकारात्मक भुमिका खेलिरहेको बताउदै आन्तरिक प्रतिस्पर्धालाई एकतामा बदल्न आवश्यक रहेको बताउनुभयो ।
बैठकमा संगठनका प्रदेश सदस्य कमल बिष्ट, प्रचार विभाग प्रदेश सदस्य शरद अधिकारी, संगठनका प्रदेश कार्यवाहक महा सचिव हरि अधिकारी लगायतले सम्बोधन गर्नुभएको थियो ।
बैठकमा एजेन्डा प्रस्तुत गर्दै जिल्ला अध्यक्ष रायमाझीले अध्यक्षमा सर्वसम्मत रुपमा निर्वाचित गराउनुहुन सहयोग गर्ने सम्पुर्णमा आभार व्यक्त गर्नुभएको थियो ।
संगठनका निवर्तमान अध्यक्ष जानु पाण्डे, प्रदेश प्रतिनिधि, केन्द्रिय प्रतिनिधि, कार्यसमितिका पदाधिकारी तथा सदस्यहरुको उपस्थिती रहेको बैठक जिल्ला सचिव संजिव गहतराजको सञ्चालनमा सम्पन्न भएको हो ।
