लुदस, कपिलवस्तु

नेपालका लागि टीभीएस स्कुटर तथा मोटरसाइकलको आधिकारिक वितरक जगदम्बा मोटर्सले जुपिटर ११३ नामक नयाँ स्कुटरको बुकिङ खुला गरेको छ। कपिलवस्तुको बाणगंगा बैरीयामा रहेको आधिकारिक विक्रेता बाणगंगा अटो ट्रेडर्सले समेत उक्त स्कुटरको बुकिङ सुरू गरिसकेको छ।

कम्पनीले लामो समयदेखि नेपालमा परीक्षण गरिरहेको यो मोडेल अब केही दिनमै बजारमा सार्वजनिक हुने तयारीमा छ। यस स्कुटरको बुकिङ मूल्य रु. २ लाख ५७ हजार ९०० निर्धारण गरिएको हो।

बुकिङ गर्ने पहिलो १०० जना ग्राहकले फाइभ स्टार होटलमा बस्न पाउने र रु. १,५०० को सपिङ भौचर प्राप्त गर्ने कम्पनीले जनाएको छ।

नयाँ जुपिटर पुरानो मोडलको तुलनामा आकर्षक र स्टाइलिस डिजाइनमा तयार गरिएको छ। अगाडिको भागमा कनेक्टेड एलईडी DRL र पछाडि टर्न इन्डिकेटरसँगै ब्रेक लाइट दिइएको छ। साथै, स्कुटरमा पहिलो पटक ‘Follow Me’ एलईडी लाइट सिस्टम उपलब्ध गराइएको छ जुन स्कुटर बन्द भए पनि केही सेकेन्डसम्म बल्नेछ।

यसमा फुल्ली डिजिटल इन्स्ट्रुमेन्ट क्लस्टर, भोइस असिस्ट, तथा फ्रन्ट माउन्टेड फ्युल क्याप जस्ता आधुनिक फिचरहरू छन्। साथै, बुट स्पेसमा दुई हाफ हेलमेट राख्न मिल्नेछ।

११३ सीसीको सिंगल सिलिन्डर, फोर स्ट्रोक, टू भल्भ इन्जिन भएको यो स्कुटरले ८ हर्सपावर र ९.२ एनएम टर्क प्रदान गर्नेछ।