हरि आचार्य अर्घाखाँची, असोज ६
अर्घाखाँचीको शितगंगा नगरपालिका वडा नंं १३ मा विभिन्न पार्टी परित्याग गरी ५० जना नेपाल कम्युनिष्ट पार्टी (नेकपा) मा प्रवेश गरेका छन् । नेकपा वडा कमिटिद्धारा आयोजीत कार्यकर्ता भेला तथा पार्टी प्रवेश कार्यक्रम मार्फत विभिन्न पार्टी परित्याग गरी ५० बढी व्यक्ति नेकपामा प्रवेश गरेका वडा कमिटि अध्यक्ष बाबुराम बिसिले जानकारी दिएका छन् । नवप्रवेशिकाहरुलाई नेकपा शितगंगा नगर कमिटि अध्यक्ष तथा जिल्ला सदस्य बसन्त कुमार श्रेष्ठले खादा टिका सहित स्वागत गर्दै पार्टी सदस्यता परिचय पत्र प्रदान गरेका थिए ।
नवप्रवेशीकाहरुले अवको विकल्प नेकपा भएकाले नेकपामा प्रवेश गरेको बताउँदै वैदेशिक रोजगारबाट फर्किएका युवाहरुलाई स्वरोजगार उपलब्ध गराउनुपर्नेमा जोड दिएका थिए ।
कार्यक्रमलाई सम्बोधन गर्दै प्रमुख अतिथि समेत रहेका नगर कमिटि अध्यक्ष श्रेष्ठले सम्पुर्ण नेपालीको आधारभुत आवश्यकताको ग्यारेन्टी गर्ने पार्टी नेकपा रहेको दावी गरे । उनले नवप्रवेशिकाहरुलाई उच्च सम्मान गर्ने प्रतिवद्धता व्यक्त गर्दै हरेक सर्वसाधारणका समस्यामा सरकारले मलम लगाउदै आएको भए पनि अनावश्यक टिका टिप्पणि भईरहेको बताए । नेकपा सरकारले विकास निर्माणका कार्यलाई अगाडि बढाउदै लगेकाले सरकारले केहि गरेन भन्ने अफवाह नफैल्याउन आग्रह गरे । उनले नेकपाले भुमिहिन सर्वसाधारणका लागि भुमि, सुकुम्बासीका लागि लालपुर्जा, वेरोजगारहरुका लागि स्वरोजगार, आधाभुत आवश्यकता उपलब्ध गराउनका लागि नेकपा प्रतिवद्ध रहेको प्रष्ट पारे ।
कार्यक्रम वडा कमिटि अध्यक्ष बाबुराम विसिको अध्यक्षता, पार्टीका जिल्ला कमिटि सदस्य तथा शितगंगा नगरका नगर उपप्रमुख टिका रेश्मी, वडाअध्यक्ष दुर्गा विसिको विशिष्ट आतिथ्यता, नगर कमिटि सदस्य टुकलाल भाट क्षेत्री, शारदा विसि, वडा सदस्य जिवलाल क्षेत्री, मिना विसि परियार, श्याम बहादुर विसी, वडा कमिटि सदस्य तथा वडावासीको उपस्थिती रहेको कार्यक्रम ऋषिराम विसिको सञ्चालनमा सम्पन्न भएको थियो ।
